ცვლილებები ბლოგზე: კონსულტაციები და მომსახურება საზღვარგარეთ სწავლასთან დაკავშირებით


გამარჯობა, მკითხველო

ბლოგი გადადის ახალ ეტაპზე: გთავაზობთ საზღვარგარეთ სწავლის შესახებ კონსულტაციებსა და მომსახურებას, რომელიც დაფუძნებულია (1) ჩემი ამერიკაში სწავლისა და მრავალრიცხოვან საერთაშორისო გაცვლით პროექტებში მონაწილეობის გამოცდილებაზე; (2) სხვა სტუდენტების მომსახურებაზე ამერიკისა და ევროპის უნივერსიტეტებში მოსახვედრად. მომსახურება შეიძლება მოიცავდეს სრულ პაკეტს ან მის ნაწილს. კერძოდ:

  • თქვენი მოთხოვნების შესაბამისად სასურველი პროგრამის/უნივერსიტეტის მოძიება
  • საჭიროების შემთხვევაში უნივერსიტეტთან კომუნიკაცია
  • საბუთების მომზადებაში დახმარება
  • სამოტივაციო წერილის შედგენა
  • სარეკომენდაციო წერილის შედგენა
  • ეფექტური CV შედგენა

გაითვალისწინეთ, რომ მომსახურება იქნება ფასიანი. თუმცა ბლოგზე არსებული პოსტები საზღვარგარეთ სწავლის შესახებ კვლავ ხელმისაწვდომი დარჩება და შეგეძლებათ ისარგებლოთ უფასო ქართულენოვანი რესურსებით. ასევე გავაგრძელებ განცხადებების გამოქვეყნებას სტიპენდიებისა და სხვადასხვა გაცვლითი პროგრამის შესახებ  ფეისბუქის გვერდზე.

დაინტერესების შემთხვევაში შეგიძლიათ დამიკავშირდეთ 11:00-დან 19:00-მდე ფეისბუქის,  ბლოგზე არსებული საკონტაქტო ფორმის საშუალებით, ან ტელეფონზე: 557 516388.

ნუ იპარავთ პოსტებს!!!


4 წელზე მეტია ათასობით ადამიანი უფასოდ სარგებლობს იმ რესურსით, რომელსაც საკუთარი დროისა და ენერგიის ფასად ვქმნი და ამ ბლოგზე ვაქვეყნებ. ერთადერთი, რასაც ვითხოვ – საავტორო უფლებების დაცვაა! სანამ რაიმე ინფორმაციას, ან თუნდაც ფრაზის გადატანას გადაწყვეტთ საკუთარ საიტზე, ითხოვეთ ნებართვა!!!! არსებობს კონტაქტის ფორმა, არსებობს კომენტარები, ასევე ელექტრონული ფოსტის მისამართი – gijmaj.press@gmail.com. მომწერეთ! წინააღმდეგ შემთხვევაში იძულებული ვიქნები (1) ინფორმაცია დავხურო და (2) პასუხისგებაში მივცე კანონდამრღვევი! ამით (მატერიალურად) დაზარალდებით თქვენ და ასევე ბევრი მომხმარებელიც, ვისთვისაც სასიცოცხლოდ მნიშვნელოვანია ეს რესურსები!

როგორ დავწეროთ სარეკომენდაციო წერილი


სარეკომენდაციო წერილი არის საქმიანი წერილი, საუნივერსიტეტო აპლიკაციის ერთ-ერთი მნიშვნელოვანი შემადგენელი ნაწილი. ამიტომ მისი დაწერისას უნდა გამოიყენოთ ფორმალური ფორმატი.

რა მიზანს ემსახურება სარეკომენდაციო წერილი:

  • უნდა შეაფასოს აპლიკანტის სამეცნიერო-კვლევითი პოტენციალი
  • უნდა შეაფასოს მზაობა აკადემიური სივრცისათვის
  • უნდა შეაფასოს აკადემიურ სივრცეში წარმატებისთვის საჭირო ცოდნა/უნარები.

ვინ შეიძლება იყოს რეკომენდატორი?

  • ადამიანი, რომელიც კარგად გიცნობთ, შეუძლია თქვენი აკადემიური შესაძლებლობების შეფასება
  • პროფესორი, ლექტორი, მასწავლებელი, რომელიც უნივერსიტეტში/სკოლაში გასწავლიდათ.
  • სამსახურის უშუალო ზედამხედველი, უფროსი, რომელიც თვალყურს ადევნებდა თქვენი მუშაობის პროცესს და კარგად იცნობს თქვენს პროფესიულ თვისებებს

სარეკომენდაციო წერილის სტრუქტურა:

  1. შესავალი. პირველი აბზაცი წარდგენაა: ვინ, ვისთვის და რა მიზნისთვის წერს სარეკომენდაციო წერილს. რეკომენდატორმა უნდა დაასახელოს საკუთარი სტატუსი, ასევე რა კავშირი აქვს აპლიკანტთან, რა გარემოებებში და რამდენი ხანი იცნობს მას. “ვარ X უნივერსიტეტის პროფესორი, რომელიც 2011-2012 აკადემიური წლის განმავლობაში ასწავლიდა აპლიკანტს საერთაშორისო ურთიერთობის თეორიას”.
  2. აპლიკანტის აკადემიური შესაძლებლობების თქვენეული შეფასება – ამ ნაწილს სულ მცირე ორი აბზაცი მაინც დაუთმეთ. ამ ნაწილში იწერება ის ცოდნა და უნარები, რომლებიც გამოავლინა კვლევის, სალექციო ან საველე მუშაობის დროს. შეგიძლიათ ხაზი გაუსვათ მის უცხო ენების ცოდნას, ტექნიკურ ჩვევებს, აქიურობას, ეფექტურ დებატებს. შეიძლება აღწეროთ მისი სწავლების უნარი – რამდენად კარგად გადასცემს ცოდნას სტუდენტებს (იმ შემთხვევაში თუ მას ეს გამოცდილება გააჩნია და თქვენ იცით ამის შესახებ), ან მოიხსენიოთ მისი მიღწევები, ჯილდოები სამეცნიერო კონფერენციებზე. უფრო კონრეტულად:
  • აღწერეთ აპლიკანტის გამორჩეული უნარები, მაგალითად ლიდერობის პოტენციალი, დეტალების მიმართ ყურადღება, დაინტერესება კონკრეტული კვლევის სფეროთი.
  • იყავით კონკრეტული, მოერიდეთ ზოგად ფრაზებს.
  • შეადარეთ სხვა სტუდენტებს, კოლეგებს.
  • მოიყვანეთ მაგალითები სად, რა გარემოებებში გამოიჩინა თავი, რა განსაკუთრებული მიღწევები ჰქონდა, როგორ იყო ჩართული დებატებში, კვლევებში, კონფერენციებში ან სხვა აქტივობებში.
  1. დასკვნა – სარეკომენდაციო წერილი დაასრულეთ პოზიტიურად. ასევე მიუთითეთ საკუთარი საკონტაქტო დეტალები იმ შემთხვევისთვის, თუ აპლიკანტის შესახებ დამატებითი კითხვები გაჩნდება.

დამატებითი რჩევები ეფექტური სარეკომენდაციო წერილის დასაწერად:

    • სარეკომენდაციო წერილი ფორმალური წერილია, ამიტომ სასურველია თუ იგი დაბეჭდილი იქნება ორგანიზაციის ბლანკზე. უნივერსიტეტის ონალინ სააპლიკაციო ფორმის შევსების შემთხვევაში ეს აუცილებელი არ არის, მაგრამ ზოგიერთი პროგრამა მოითხოვს ნაბეჭდი სახით გაგზავნას. ამ შემთხვევაში დაიცავით საქმიანი სტილი.
    • არ დაწეროთ მეტისმეტად მოკლე და ზერელე სარეკომენდაციო წერილი. 1-2 აბზაცი ძალიან ცოტაა აპლიკანტის შესაფასებლად, ასევე რეკომენდატორის არასერიოზულობაზეც მიუთითებს. დაწერეთ ვრცელი და ამომწურავი წერილი (სულ მცირე, 1 ნაბეჭდი გვერდი). იმ შემთხვევში თუ აპლიკანტს კარგად არ იცნობთ და ფიქრობთ რომ შეფასება გაგიჭირდებათ, ურჩიეთ მიმართოს სხვა რეკომენდატორს.
    • აპლიკანტის პირველად ხსენებისას გამოიყენეთ მისი სრული გვარი და სახელი, შემდეგ შემთხვევებში შეგიძლიათ ნაცვალსახელით, გვარით ან მხოლოდ საკუთარი სახელებით მოიხსენიოთ.
    • სარეკომენდაციო წერილი დაბეჭდეთ! ონალინ ფორმის შევსებისას ეს თავისთავად ხდება, მაგრამ იმ შემთხვევაში თუ ამობეჭდილი ვერსიაა საჭირო, აუცილებლად ბლანკზე და ნაბეჭდი სახით გაგზავნეთ! ამით რესპოდენტს თავიდან აარიდებთ ხელნაწერის გარჩევის სირთულეს.
    • ემოციური წერილი მომგებიანი არ არის, ამიტომ წერის დროს შეინარჩუნეთ აკადემიური და საქმიანი სტილი.

  • რაც მთავარია – დაწერეთ სიმართლე, სიმართლე და არაფერი სიმართლის გარდა!

ბიომრავალფეროვნების ანბანი


გაკაფული ტყე. ფოტო: PIA

 ამ ფოტოზე 2 ბოროტებაა გამოსახული: გაკაფული ხეები და პოლიეთილენის ბოთლი. ეს უკანასკნელი ძალიან კომპლექსური თემაა და ასეთივე ნეგატიურ ეფექტს ახდენს გარემოზე: პოლიეთილენს დედაბუნება ვერ “ინელებს”, იგი სამუდამოდ ბინძურდება, წამლავს ნიადაგს, წყალს, ცხოველებისა და ფრინველების საკვებ თუ საცხოვრებელ ადგილებს. თუ ცოცხალ არსებას გადაეყლაპა – სასიკვდილოდაა განწირული. პოლიეთილენის ნაწილები ხვდება ოკეანეში, თევზების საშუალებით კი შესაძლოა ჩვენც შემოგვეჭამოს (რამდენადაც ჩვენ მოვიხმართ თევზებს, რომლებიც შეიძლება უკვე “გამოკვებილი” იყვნენ ამ მავნე ნივთიერებით). პოლიეთილენს ჩვენი დაუდევრობით და უპასუხისმგებლობით ყველგან ვტოვებთ: ქუჩებში, ქალაქებში, სოფლის ორღობეებში, მთებში და ველებში, სარწყავ არხებში, მდინარეებში. სალაშქრო ბილიკებზე უამრავი გადაყრილი პოლიეთილენის ბოთლი და პარკი მინახავს. მეგობრებთან ერთად ბევრი მათგანი აგვიღია და ნაგვის ურნამდე მიგვიტანია, მაგრამ ჩვენი მცდელობა ზღვაში წვეთია დაბინძურების მასშტაბებთან შედარებით… და კიდევ უფრო სამწუხაროა, რომ საქართველოში ნარჩენების გადამუშავება არ წარმოადგენს გავრცელებულ პრაქტიკას. Continue reading

სასაუბრო თემების მაგალითები IELTS-ისათვის


IELTS ინგლისური ენის ტესტია, რომელსაც უნივერსიტეტები ითხოვენ საერთაშორისო სტუდენტებისგან – მათგან, ვისთვისაც ინგლისური არ არის მშობლიური ენა ან ინგლისურ ენაზე არ აქვს განათლება მიღებული.

IELTS, ისევე როგორც TOEFL, შედგება 4 ნაწილისგან: წერა, კითხვა, მოსმენა და საუბარი.

მიმაგრებულ ფაილში ნახავთ 42 თემას, რომელიც IELTS-ის გამოცდაზე, საუბრის სექციაში შეიძლება შეხვდეთ. ეს განსაკუთრებით სასარგებლოა მათთვის, ვინც გამოცდისთვის დამოუკიდებლად ემზადება.  Continue reading

რომელი საიტებიდან გამოვწეროთ სალაშქრო აღჭურვილობა


გარდა საყოველთაოდ ცნობილი ონლაინ მაღაზიებისა (ამაზონი და იბეი), სადაც ნებისმიერი ასაკისა და მოთხოვნილების ადამიანს შეუძლია სასურველი ნივთის შეძენა, არსებობს სპეციალური საიტები ლაშქრობისა და მოგზაურობის მოყვარულებისათვის. ამ პოსტში გაგაცნობთ რამდენიმე მათგანს – ძირითადად ამერიკულ საიტებს, საიდანაც შეგიძლიათ ხარისხიანი ბრენდების გამოწერა.

 Sierra Trading Post – კარვები, ზურგჩანთები, საძილე ტომრები – ყველაფერი, რაც შეიძლება მოგზაურს გამოადგეს. დროდადრო რეგისტრირებული წევრები ფასდაკლების კოდებსად იღებენ და შეუძლიათ დამატებით თანხების დაზოგვა.

CampSaver – სალაშქრო და ტურისტული აღჭურვილობის ფართო არჩევანია. პერიოდული პრომო აქციებით შესაძლებელია მიიღოთ კონკრეტულ ნივთებზე ფასდაკლება.  Continue reading

ადგილები ერთდღიანი გასვლებისთვის


1 დღე ან რამდენიმე თავისუფალი საათი რომ გაქვს და სადმე ახლოს გინდა, გასვლა, ამ პოსტში ისეთი ადგილების შესახებ წაიკითხავთ. ჩამონათვალი, რა თქმა უნდა, არასრულია. შეგიძლიათ თავად შეავსოთ და დაამატოთ. 🙂 თბილისთან ახლოს, მანქანით ან ფეხით სავალ მარშრუტებზე მოწყდებით ქალაქის ხმაურსა და ალიაქოთს, დაისვენებთ ბუზღუნა უფროსისგან, გამონაბოლქვისგან, სამსახურისგან ან უბრალოდ დროს გაატარებთ ოჯახთან/მეგობრებთან. აქ მიღწევაც იოლია – უმეტეს ადგილას საზოგადოებრივი ტრანსპორტი დადის.

მცხეთა – პატარა, ლამაზი, კოხტა ქალაქი სვეტიცხოველით და არსენა ოძელაშვილის ომახიანი ძეგლით. ბებრის ციხის მონახულებაც არ დაგავიწყდეთ. სამთავროს დედათა მონასტერსაც შეგიძლიათ ეწვიოთ და, თუ ტრანსპორტი გაქვთ, შიო მღვიმესაც.

არმაზი – საფეხმავლო, საკმაოდ იოლი მარშრუტია. შესაძლებელია წელიწადის ნებისმიერ დროს წასვლა. მოსანახულებელი ადგილები: ღვთისმშობლის სამონასტრო კომპლექსი და არმაზის ციხე. აქ შეგიძლიათ გაეცნოთ დაწვრილებით ინფორმაციას.

ბირთვისი – არ ვიცი კიდევ სადმე თუ არსებობს ასეთი საოცარი ადგილი. ცამდე აზიდული უზარმზარი ლოდები ბუნებრივი სიმაგრეს ქმნიან, რომელსაც მტერი ვერაფერს აკლებდა. დედაციხიდან და შეუპოვარიდან არაჩვეულებრივი ხედები იშლება. ბილიკები მარკირებული არ არის და გზის არმცოდნე შესაძლოა დაიკარგოს.  დედაციხიდან შესაძლებელია კოჯრის ციხის დანახვა. როგორც ამბობენ, ძველ დროში ეს ციხეები ერთმანეთს სანიშნე ცეცხლით ატყობინებდნენ მტრის შემოსევის შესახებ.  Continue reading

როდის დავიწყოთ საზღვარგარეთ სწავლისათვის მომზადება


 “საბუთების გაგზავნა ვერ მოვასწარი”, – ეს გულდაწყვეტილი ფრაზა ხშირად მომისმენია საზღვარგარეთ სწავლის მსურველებისგან. “ტესტის შედეგი დედლაინის მერე იქნება და რა ვქნა?” – კითხულობენ სხვები. “მოასწრებს უნივერსიტეტი დოკუმენტების მიღებას?” – კიდევ ვიღაც წუხს. ბევრი ვერ ხვდება სასურველ სასწავლებელში მხოლოდ იმიტომ, რომ დროულად ვერ მოასწრო ყველაფრის მომზადება.

რა დრო სჭირდება საზღვარგარეთ სწავლის დაგეგმვასა და წასვლას? ეს ხანგრძლივი პროცესია. ცდებით, თუ გგონიათ, რომ 2-3 კვირაში ყველა საბუთს გააკეთებთ და ვიზას აიღებთ. ეს არარეალური დროა. მთელ პროცესს, ხარისხიანი შედეგის მისაღწევად, საშუალოდ 12-18 თვე სჭირდება. რატომ ამდენი?  Continue reading

სამოტივაციო წერილი – მიზნების განსაზღვრა


 რა გინდა რომ გამოხვიდე? – რამდენჯერ უკითხავთ ბავშვობაში? ერთ-ერთი შემაწუხებელი კითხვაა, რომელსაც უფანტაზიო ბიძიები და დეიდები პატარებთან ურთიერთობაში იყენებენ. მათთვის ეს შინაარსს მოკლებული, მექანიკური ფრაზაა. რომელსაც მოვალეობის მოხდის ან უხერხულობის გაფანტვის მიზნით იყენებენ. მაგრამ რეალურად ეს ის კითხვაა, რომელიც თქვენს მომავალს აყალიბებს. იგი წარმოადგენს ხედვას, რომელსაც მიყავხართ მიზნებისკენ და შემდეგ მათი განხორციელებისკენ. ამ კითხვაზე პასუხს უნივერსიტეტები ითხოვენ სამოტივაციო წერილებში. პირდაპირ ან ირიბად გთხოვენ დაწეროთ რას გააკეთებთ კურსის/პროგრამის დამთავრების შემდეგ. თქვენ კი უნდა ჩამოაყალიბოთ მიზნები და ხედვა – როგორ დაგეხმარებათ ეს კონკრეტული გამოცდილება მათ მიღწევაში.  Continue reading