ნუ იპარავთ პოსტებს!!!


4 წელზე მეტია ათასობით ადამიანი უფასოდ სარგებლობს იმ რესურსით, რომელსაც საკუთარი დროისა და ენერგიის ფასად ვქმნი და ამ ბლოგზე ვაქვეყნებ. ერთადერთი, რასაც ვითხოვ – საავტორო უფლებების დაცვაა! სანამ რაიმე ინფორმაციას, ან თუნდაც ფრაზის გადატანას გადაწყვეტთ საკუთარ საიტზე, ითხოვეთ ნებართვა!!!! არსებობს კონტაქტის ფორმა, არსებობს კომენტარები, ასევე ელექტრონული ფოსტის მისამართი – gijmaj.press@gmail.com. მომწერეთ! წინააღმდეგ შემთხვევაში იძულებული ვიქნები (1) ინფორმაცია დავხურო და (2) პასუხისგებაში მივცე კანონდამრღვევი! ამით (მატერიალურად) დაზარალდებით თქვენ და ასევე ბევრი მომხმარებელიც, ვისთვისაც სასიცოცხლოდ მნიშვნელოვანია ეს რესურსები!

სამოტივაციო წერილი სამსახურისთვის


ეს ბლოგი ძირითადად სამსახურისთვის განკუთვნილ სამოტივაციო წერილს ეხება. იგულისხმება, რომ მას ამზადებთ კარგი ორგანიზაციისთვის და არა ფეხებზემკიდია დამსაქმებლისთვის, რომლებიც მრავლად არიან ქართული შრომის ბაზარზე. სამოტივაციო წერილით დამსაქმებელს უნდა დაუმტკიცოთ, რომ ამ კონკრეტული სამუშაოს შესრულება შეგიძილიათ. ამისათვის ინტერნეტიდან შაბლონის დაკოპირებაზე მეტი უნდა გააკეთოთ.

სამსახურისთვის განკუთვნილ სამოტივაციო წერილში უნდა მოახდინოთ ვაკანსიისთვის საჭირო რამდენიმე ძირითადი უნარ-ჩვევის გამოკვეთა. ამისათვის მათი უბრალოდ ჩამოთვლა არ კმარა, საჭიროა კონკრეტული მაგალითის მოყვანა. მაგალითად, იმის მაგივრად რომ დაწეროთ “მაქვს კარგად განვითარებული კომუნიკაციის უნარი”, უმჯობესია აღწეროთ კონკრეტული შემთხვევა თუ როგორ დაგეხმარათ ეს უნარი თქვენი მიზნების მისაღწევად: ეფექტურად გაკეთებული პრეზენტაციის საშუალებით მოიპოვეთ X შეკვეთა; ან დაამყარეთ კავშირი X პარტნიორთან; ან მოიზიდეთ X დონორი/დაფინანსება. ან ნებისმიერი სხვა რელევანტური და, რაც მთავარია, რეალური მაგალითი.

ეს იმ შემთხვევაშცაა საჭირო, როდესაც ახალ სფეროში აპირებთ მუშაობის გაგრძელებას. მიუხედავად იმისა, რომ ამ ახალ პროფესიას შეიძლება ერთი შეხედვით საერთო არაფერი ჰქოდეს ძველთან, მაინც შესაძლებელია ასეთი ქეისების პოვნა და წარმოჩენა: ნებისმიერ სფეროშია გუნდური მუშაობა, სხვების ტრენინგი ან შესაძლებლობების განვითარება; მენეჯმენტის ელემენტები და ა.შ. მაგალითად, თუ ხართ მზარეული და გსურთ საკონსულტაციო საქმიანობის დაწყება, პოტენციურ დამსაქმებლისთვის შეიძლება აღწეროთ თუ როგორ უზრუნველყოფდით გუნდის წარმატებულად მუშაობას, ან როგორ ურთიერთობდით კლიენტებთან წარმოქმნილი პრობლემების მოსაგვარებლად. ეს უნივერსალური უნარებია, რომლებმაც შეიძლება ახალი ინდუსტრიის კარი გაგიღონ.

რაც შეეხება სტრუქტურას – სამოტივაციო წერილის შესახებ წინა ბლოგებშიც არაერთხელ დავწერე ამის შესახებ. ეს უნდა იყოს კონკრეტული, მოკლე, ადვილად აღსაქმელი ნაწერი. პუნქტობრივი წერილი (ე.წ. bullet point) სხვა სამოტივაციოებისგან გამოარჩევს. იგი ვიზუალურადაც უკეთესად აღიქმება და უფრო მოკლედ (ანუ სწრაფად წასაკითხად) გამოჩნდება.

ამ პუნქტებმა უნდა გამოკვეთონ მნიშვნელოვანი საკითხები – კონკრეტული ორგანიზაციის ღირებულებები, მამოძრავებელი პრინციპები. სამოტივაციო წერილი უნდა “ლაპარაკობდეს” ამ ორგანიზაციის “ენაზე”: ამგვარად ისინი დაინახავენ რამდენად ძლიერ ხარ დაინტერესებული მათთან თანამშრომლობით და ამას დააფასებენ. ტექნიკური ენით დაწერილ სამოტივაციო წერილს ვერავინ გაიგებს და ეს ძალიან ცუდი იქნება.

როგორ გავიგოთ ორგანიზაციის “ენა”? – უნდა დაგუგლოთ ორგანიზაცია და მის ვებგვერდზე იპოვოთ “ღირებულებები”. წაიკითხეთ და გაიაზრეთ, რა ღირებულებების მატარებელი არიან. კონკრეტულად რას გულისხმობენ ამ ღირებულებებში, როგორ ესმით ესენი ამ ორგანიზაციაში. იმიტომ რომ ყველა ორგანიზაციას შეიძლება ჰქონდეს ერთი და იმავე ცნების თავისებური გაგება. წერილობით გაცხადებული ღირებულებების გარდა, კარგი ორგანიზაცია მათ წარმოჩენას ახერხებს მრავალფეროვანი საშუალებებით: სამუშაო კულტურით დაწყებული, პოსტერებით, ჭიქებით, ოფისის სხვადასხვა აქსესუარებით დამთავრებული. ამიტომ მნიშვნელოვანია ამ ღირებულებების იდენტიფიცირება და სამოტივაციო წერილში წარმოჩენა. ეს დიდებული შესაძლებლობაა იმისთვის რომ კომპანიას დაუმტკიცოთ რამდენად გულწრფელად ხართ მათით დაინტერესებული.

კი, ამ ყველაფრის მოძიება, გააზრება, ინდივიდუალური ვაკანსიის და ორგანიზაციის თავისებურებების გათვალისწინება ყოველი სამოტივაციო წერილის წერისას შრომატევადია. მაგრამ ღირს. ზოგადი სამოტივაციო წერილი (აი ისეთი, ყველგან რომ აგზავნიან რედაქტირების გარეშე) ჯერ ერთი, დიდი უპატივცემულობაა და მერე – არაპროდუქტიულია. შესაბამისად, უშედეგო იქნება. ორგანიზაციას კონკრეტული მაგალითებით უნდა დაანახოთ, როგორ შეესაბამებით მათ ღირებულებებს. დიახ, ამ დახარჯული ძალისხმევის შედეგად სასურველ პოზიციაზე უფრო სწრაფად მოხვდებით ვიდრე ტრაფარეტული ფრაზებით შედგენილი წერილით. წარმატებას გისურვებთ 🙂

ქართული აუდიო წიგნები


არსებობს თუ არა ქართული აუდიო წიგნები? რა თქმა უნდა, არსებობს. თუმცა არ ისე ბევრი, როგორც, მაგალითად, ინგლისურ ენაზე. აუდიო წიგნი კარგი მეგობარია მათთვის ვისაც უჭირს ან არ შეუძლია კითხვა. აუდიო წიგნების მოსმენა შეიძლება მგზავრობისას ან წყნარი საქმის კეთებისას. ან უბრალოდ მაშინ, როცა მოგინდება 🙂 ამისათვის მხოლოდ მობილური ტელეფონი, კომპიუტერი ან სხვა აუდიო მოწყობილობაა საჭირო. და ინტერნეტიც – თუ ონლაინ მოსმენას აპირებთ.

ქართული აუდიოწიგნების კატალოგი (ჯერჯერობით) მწირია, თუმცა სხვადასხვა პროექტის ან მოხალისე-გამხმოვანებლების ძალისხმევით ნელ-ნელა იზრდება. მათი უმეტესობა ფასიანია და ქართული ელექტრონული წამკითხველის – საბას აპლიკაციით არის ხელმისაწვდომი. თუმცა მკვეთრად ან მნიშვნელოვნად გამოხატული უსინათლოთათვის საბას აუდიოწიგნებით სარგებლობა უფასოა. 286 ფასიანი აუდიოწიგნი დევს გუდას და პალიტრა ლ-ის საიტებზე. ეს იდენტური კატალოგია, მომხმარებელზეა დამოკიდებული სად გადაწყვეტს მათ შეძენას.

აუდიოწიგნების უფასო რესურსებიც მრავალფეროვანია:

Continue reading →

როგორ გავაუმჯობესოთ CV


თუ გჭირდებათ დახმარება:

  • სამოტივაციო წერილის დაწერაში
  • CV შედგენაში
  • სარეკომენდაციო წერილის დაწერაში
  • უნივერსიტეტის ან სხვა სასწავლო პროგრამის შერჩევაში
  • საუნივერსიტეტო აპლიკაციის შევსებაში ან სხვა დოკუმენტის შედგენაში

დამიკავშირდით ტელეფონის ნომერზე: 591077488

მომსახურება იქნება ფასიანი

კარიერის შეცვლა რომ გინდა და “კეთილისმსურველები” გეუბნებიან – “ეგ ვერ გამოგივა”, “შეუძლებელია”, და მაინც ძალიან გინდა რაღაც ახლის დაწყება, რა უნდა გააკეთო? – მოუსმინო და დანებდე? საკუთარ მიზნებზე უარი თქვა? ეს პროფესიული ჰარაკირი არავითარ შემთხვევაში არ უნდა დაუშვათ! აუცილებელია CV გააუმჯობესო და საქმეს შეუდგე! ანუ ამ გაუმჯობესებული CV-ით და დიდი მოტივაციით მიმართო იმ ორგანიზაციებს, სადაც შენი ახალი ინტერესთა სფეროა!

Continue reading →

სტიპენდიების კატალოგი. ნაწილი 2


თუ გჭირდებათ დახმარება:

  • სამოტივაციო წერილის დაწერაში
  • CV შედგენაში
  • სარეკომენდაციო წერილის დაწერაში
  • უნივერსიტეტის ან სხვა სასწავლო პროგრამის შერჩევაში
  • საუნივერსიტეტო აპლიკაციის შევსებაში ან სხვა დოკუმენტის შედგენაში

დამიკავშირდით ტელეფონის ნომერზე: 591077488

მომსახურება იქნება ფასიანი

———————-

კატალოგის მეორე ნაწილი მოიცავს ინფორმაციას (ძირითადად) ევროპაში არსებული სტიპენდიების შესახებ. კატალოგში ინფორმაციის დამატება ან შეცვლა აღარ მოხდება. თუ დროთა განმავლობაში რომელიმე ლინკი აღარ იმუშავებს, დაგუგლეთ სტიპენდიის სახელი და ამგვარად გადადით მის დეტალებზე. წარმატებას გისურვებთ.

სარჩევი:

  1. The University of Melbourne, Graduate Research Scholarships (კვლევითი მაგისტრატურა ან დოქტორანტურა. ავსტრალია)
  2. თურქეთის მთავრობის სტიპენდიები
  3. MALAYSIAN INTERNATIONAL SCHOLARSHIP (MIS) (მაგისტრატურა, დოქტორანტურა. მალაიზია)
  4. Visby Programme scholarships for master’s level studies (შვედეთი)
  5. სლოვაკეთის მთავრობის სტიპენდია (დოქტორანტურის სტუდენტები, არტისტები, უნივერსიტეტის ლექტორები, მკვლევარები. სლოვაკეთი)
  6. საერთაშორისო საპარლამენტო სტიპენდია ბუნდესტაგში (გერმანია)
  7. ესტონეთის დიპლომატიური სკოლა
  8. განათლების საერთაშორისო ცენტრის მიერ ადმინისტრირებული სასტიპენდიო პროგრამები (სამაგისტრო, სადოქტორო, სახელოვნებო, კვალიფიკაციის ამაღლება, ფულბრაიტი, მაგისტრატურა საფრანგეთში, უნგრეთში)
  9. Monash International Merit Scholarship (ავსტრალია)
  10. ბოლონიის უნივერსიტეტის სტიპენდიები საერთაშორისო სტუნდენტებისთვის (იტალია)
  11. ბმულები სხვადასხვა სასტიპენდიო პროგრამებზე (ეიფელის სტიპენდია საფრანგეთში, როტარის სტიპენდიები სხვადასხვა ქვეყნებში, აირექსი და სხვა სასარგებლო საიტები).

The University of Melbourne, Graduate Research Scholarships

მელბურნის უნივერსიტეტი გასცემს სტიპენდიებს სტუდენტებისთვის, რომლებიც სწავლობენ კვლევით მაგისტრატურაზე (Masters by Research) ან დოქტორანტურაზე.

სტიპენდია აფინანსებს სწავლის გადასახადს და საცხოვრებელ ხარჯებს.

განაცხადის შეტანის დედლაინი: 31 ოქტომბერი.

დამატებითი ინფორმაციისათვის ეწვიეთ უნივერსიტეტის ოფიციალურ ვებგვერდს.

Pages: 1 2 3 4 5 6 7 8 9 10 11

ფეხსაცმლის მაღაზიები თბილისში


ახალი ფეხსაცმელი რომ გჭირდება და არ გინდა ქალაქში ბევრი იბოდიალო მის საძებნელად, რა უნდა ქნა? რა თქმა უნდა, ონლაინ უნდა აარჩიო. თბილისში ნებისმიერი სტილის, ფასის, სეზონის ფეხსაცმლის მოძებნა შეიძლება, და მხოლოდ მაღაზიების ნაწილს აქვს ვებსაიტები საძიებო სისტემებით, ან ფეისბუქის გვერდები სადაც პერიოდულად დებენ ახალ პროდუქტებს. თავის დროზე, ყველა მაღაზიაში შეხედვა და ყველა მოდელის სათითაოდ დათვალიერების დრო რომ არ მქონდა, სასურველი ფეხსაცმლის შესარჩევად ონლაინ ძებნა მომიწია. მაღაზიების ეს ჩამონათვალიც მაშინ გავაკეთე. იმედია, დაგეხმარებათ მოხერხებული და ხელმისაწვდომი ფეხსაცმლის პოვნაში.

Archevani.ge – შეგიძლიათ შეიძინოთ ქალისა და მამაკაცის ფეხსაცმელები ადამიანურ ფასებში. თუმცა საიტზე მოცემული ზოგიერთი მოდელი შეიძლება მაღაზიაში აღარ დაგხვდეთ.

Dressup.ge – მსოფლიო ბრენდების ტანსაცმელი და ფეხსაცმელი. საიტზე შეგიძლიათ შეარჩიოთ თქვენითვის სასურველი მოდელი/ზომა და ნახოთ რომელ მაღაზიაშია. მაღაზიები განთავსებულია თბილისის მოლებსა და ცენტრალურ უბნებში. ქსელში არის Levis, Lee, Mavi, Guess, Wrangler, Adidas და სხვა ბრენდების ორიგინალი პროდუქცია. მაღაზიების ჩამონათვალი მოცემულია მათ ვებსაიტზე.

Rainbow – საქართველოში წარმოებული ფეხსაცმელი შეგიძლიათ შეიძინოთ პეკინისა ქუჩაზე და ვაგზალზე, კიდობანში მდებარე მაღაზიებში. ასევე შეგიძლიათ შეკვეთით დაამზადებინოთ სასურველი ზომის/დიზაინის ფეხსაცმელი. პეკინის ფილიალის მენეჯერი მზად იყო ფეხსაცმლის შეკვეთის მისაღებად. იმედია პოსტის გამოქვეყნების დროისთვის ეს ჯერ კიდევ შესაძლებელია.

Paradisi.ge – მიუხედავად იმისა, რომ “ზრდადობისა” და “კლებადობის” მნიშვნელობები უკუღმა ესმით, მაინც ღირს შეხედვა სპორტული ფეხსაცმლის, ტანსაცმლისა და აქსესუარების სანახავად. აქ წარმოდგენილია Armani EA7, New Balance, Trespass ბრენდები.

Icrshop.ge – აერთიანებს რამდენიმე მაღაზიას: Geox, Ecco, Bata, Bambino, Corso Italia, სტუდიო ფეხსაცმლის გალერეა, ლაბორატორია ფეხსაცმლის გალერეა. საიტზე შესაძლებელია მრავალფეროვანი ძებნა (მაღაზიის, ზომის, სქესის, სტილის და სხვა კრიტერიუმების მიხედვით), თუმცა არ აჩვენებს კონკრეტული მოდელი რომელ კონკრეტულ ფილიალშია.

Mantis.ge – სპორტული ფეხსაცმელი, ტანსაცმელი და აქსესუარები ქალებისთვის, მამაკაცებისთვის, ასევე ბავშვებისთვის. ფეხსაცმელებთან მოცემულია ზომების ცხრილი (ევროპული, ამერიკული, ქართული ზომები).

Hippo.ge – მოთმინება თუ გეყოფათ, შეგიძლიათ ჩაუჯდეთ საიტს. პროდუქციის მრავალფეროვანი არჩევანია (ტანსაცმელსა და ფეხსაცმელთან ერთად ჭურჭელი, ტექნიკა, მუსიკალური ინსტრუმენტები და ა.შ.). მაგრამ ძალიან მოუხერხებელი ძიების სისტემით. არეულდარეული საიტია, ზოგ ფეხსაცმელს ზომა არ აწერია, ზოგს ფასი. ოპერატორებთან დაკავშირებაც პრობლემაა.

Salamander.ge – ფეხსაცმელების მაღაზიას ვებსაიტიც აქვს, სადაც შეგიძლიათ ნახოთ ინფორმაცია პროდუქციაზე, ფასდაკლებებზე და ა.შ.

Baldi.ge – ბალდის მაღაზიის ვებსაიტი, სადაც ფეხსაცმელებთან, ფასდაკლებებთან ერთად ბევრ სხვა რამესაც ნახავთ (ტანსაცმელი, აქსესუარები, ჩანთები და ა.შ.).

Price.ge – აქ შეგიძლიათ იპოვოთ როგორც ტანსაცმელი და ფეხსაცმელი სხვადასხვა ონლაინ მაღაზიებიდან, ასევე ტექნიკა, ავეჯი, სპორტული აქსესუარები და ა.შ.

სიაში არ შევიყვანე, მაგალითად, H&M და კოტონი, რომელთაც არ აქვთ დამოუკიდებელი ვებგვერდები საქართველოსთვის. ამ ჩამონათვალის გარდა ინტერნეტში შეიძლება კიდევ იყოს წარმოდგენილი ფეხსაცმელების სხვა მაღაზიებიც. შეგიძლიათ კომენტარებში დაამატოთ შესაბამისი ლინკები.

ბედნიერ შოპინგს გისურვებთ. 🙂

სტიპენდიების კატალოგი. ნაწილი I


თუ გჭირდებათ დახმარება:

  • სამოტივაციო წერილის დაწერაში
  • CV შედგენაში
  • სარეკომენდაციო წერილის დაწერაში
  • უნივერსიტეტის ან სხვა სასწავლო პროგრამის შერჩევაში
  • საუნივერსიტეტო აპლიკაციის შევსებაში ან სხვა დოკუმენტის შედგენაში

დამიკავშირდით ტელეფონის ნომერზე: 591077488

მომსახურება იქნება ფასიანი

—————

ინფორმაცია მოცემულია 2019 წლის აგვისტოს მდგომარეობით. კატალოგში ინფორმაციის დამატება ან შეცვლა აღარ მოხდება. ამ ნაწილში მოცემულია სტიპენდიები ამერიკის შეერთებულ შტატებსა და დიდ ბრიტანეთში. თუ დროთა განმავლობაში რომელიმე ლინკი აღარ იმუშავებს, დაგუგლეთ სტიპენდიის სახელი და ამგვარად გადადით მის დეტალებზე. წარმატებას გისურვებთ.

სარჩევი:

  1. გლობალური სტუდენტური გაცვლითი პროგრამა (UGRAD) (ბაკალავრიატი. აშშ)
  2. Reach Oxford Scholarship (ბაკალავრიატი. დიდი ბრიტანეთი)
  3. ჰუბერტ ჰამფრის სახელობის სტიპენდიის პროგრამა (აშშ)
  4. კემბრიჯის სტიპენდიები (ბაკალავრიატი, მაგისტრატურა, დოქტორანტურა. დიდი ბრიტანეთი)
  5. ბირმინჰემის უნივერსიტეტის სტიპენდიები საერთაშორისო სტუდენტებისთვის (ბაკალავრიატი, მაგისტრატურა, დოქტორანტურა. დიდი ბრიტანეთი)
  6. Vice-Chancellor’s Scholarship for Research Excellence (International) (მაგისტრატურა, დოქტორანტურა. დიდი ბრიტანეთი)
  7. Wells Mountain Foundation (ბაკალავრიატი. განვითარებადი ქვეყნები)
  8. Westminster International Scholarships (დიდი ბრიტანეთი)
  9. პროფესიული პრაქტიკის პროგრამა შეერთებულ შტატებში (აშშ)
  10. მომავალ ლიდერთა გაცვლითი პროგრამა (FLEX) (აშშ)
  11. გეიტსის კემბრიჯის სტიპენდია (დიდი ბრიტანეთი)
  12. ჩივნინგის სტიპენდია (მაგისტრატურა. დიდი ბრიტანეთი)

გლობალური სტუდენტური გაცვლითი პროგრამა (UGRAD)

გლობალური სტუდენტური გაცვლითი პროგრამა (UGRAD) წარმოადგენს ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს პროგრამას. სტუდენტური პროგრამა საშუალებას აძლევს ბაკალავრიატის სტუდენტებს სომხეთიდან, აზერბაიჯანიდან, ბელორუსიიდან, საქართველოდან, ყაზახეთიდან, ყირგიზეთიდან, მოლდოვეთიდან, რუსეთიდან, ტაჯიკეთიდან, თურქმენეთიდან, უკრაინიდან და უზბეკეთიდან  ისწავლონ ამერიკის შეერთებული შტატების უნივერსიტეტში ან კოლეჯში. პროგრამა არ ითვალისწინებს აკადემიური ხარისხის მინიჭებას. მონაწილეები შეირჩევიან ღია, თანასწორუფლებიანი კონკურსის საფუძველზე.

პროგრამა სრულად არის დაფინანსებული და ითვალისწინებს შემდეგს:

  • მხარდაჭერას აშშ J-1 ვიზის მისაღებად;
  • მგზავრობას მონაწილის საცხოვრებელი ქალაქიდან მასპინძელ უნივერსიტეტამდე ამერიკის შეერთებულ შტატებში და უკან;
  • ბინის ქირას და კვებას აშშ-ში ყოფნის პერიოდში;
  • უნივერსიტეტში სწავლების საფასურს და სხვა სავალდებული საუნივერსიტეტო ხარჯებს;
  • თანხას წიგნების შესაძენად;
  • ყოველთვიურ სტიპენდიას;
  • სამედიცინო დაზღვევას;

დამატებითი დეტალებისა და ინფორმაციისთვის ეწვიეთ ოფიციალურ ვებგვერდს.

Pages: 1 2 3 4 5 6 7 8 9 10 11 12

სწავლა ბრიტანეთში – სავიზო პროცედურები


თუ გჭირდებათ დახმარება:

  • სამოტივაციო წერილის დაწერაში
  • CV შედგენაში
  • სარეკომენდაციო წერილის დაწერაში
  • უნივერსიტეტის ან სხვა სასწავლო პროგრამის შერჩევაში
  • საუნივერსიტეტო აპლიკაციის შევსებაში ან სხვა დოკუმენტის შედგენაში

დამიკავშირდით ტელეფონის ნომერზე: 591077488

მომსახურება იქნება ფასიანი

————–

დიდი ბრიტანეთის სტუდენტური (და სხვა ტიპის) ვიზისათვის საბუთების ჩაბარება ხდება თბილისში, ბესიკის ქ. #4-ში მდებარე UK Visa Application Center-ში. საბუთები გადაწყვეტილების მისაღებად იგზავნება თურქეთში, ქ. სტამბულში არსებულ ბრიტანეთის საკონსულოში. განსახილველად და პასუხისათვის საჭიროა საშუალოდ 15 სამუშაო დღე. სტუდენტური ვიზისათვის ავსებთ tier 4 განაცხადს.

რა გჭირდებათ ბრიტანეთის სტუდენტური ვიზის მისაღებად?

  • აუცილებლად უნდა აკმაყოფილებდეთ ინგლისური ენის ცოდნის კრიტერიუმებს
  • სავიზო განაცხადის შევსებამდე მიღებული გქონდეთ ე.წ. CAS (Confirmation of Acceptance of Study), რომელსაც გასცემს სასწავლებელი უპირობო ჩარიცხვის (unconditional Offer) შემთხვევაში. CAS ნომერის გარეშე შეუძლებელია სავიზო განაცხადის შევსება. CAS მისაღებად შეფასება ხდება 40-ქულიანი სისტემით, სადაც 30 ქულა მოდის ფინანსურ მხარეზე (გაქვთ თუ არა საკმარისი თანხა კურსის გადასახადისა და საცხოვრებლისთვის), 10 ქულა – მოტივაციასა და მზაობაზე ამ კურსის გასავლელად. CAS გაცემა ხდება სწავლის დაწყებამდე 3 თვით ადრე.
Pages: 1 2 3 4

სწავლა საზღვარგარეთ: ხშირად დასმული კითხვები


თუ გჭირდებათ დახმარება:

  • სამოტივაციო წერილის დაწერაში
  • CV შედგენაში
  • სარეკომენდაციო წერილის დაწერაში
  • უნივერსიტეტის ან სხვა სასწავლო პროგრამის შერჩევაში
  • საუნივერსიტეტო აპლიკაციის შევსებაში ან სხვა დოკუმენტის შედგენაში

დამიკავშირდით ტელეფონის ნომერზე: 591077488

მომსახურება იქნება ფასიანი

საზღვარგარეთ სწავლისთვის მომზადებას ვინც იწყებს, პირველივე დღიდანვე უამრავი კითხვა ებადება. ქვემოთ მოცემულია პასუხები იმ საკითხებზე, რასაც ყველაზე ხშირად კითხულობენ: 

  • რა კრიტერიტუმებით ხდება საზღვარგარეთ უნივერსიტეტებში ჩარიცხვა?

ზოგი უნივერსიტეტის ან პროგრამის ოფიციალურ საიტზე მოცემულია მინიმალური მოთხოვნები და კრიტერიუმები, რომელსაც აპლიკანტები უნდა აკმაყოფილებდნენ. ეს შეიძლება იყოს:

  • აკადემიური მოსწრება და მიღწევები
  • ინტერესები კონკრეტული დარგის მიმართულებით
  • მოტივაცია და ხედვა
  • არააკადემიური აქტივოებები (როგორიცაა, მაგალითად, სხვადახვა ღონისძიებებში მონაწილეობა, სემინარები და კონფერენციები, ორგანიზაციების წევრობა, ჯილდოები, ლიდერობის მაგალითები და ა.შ.).
  • სამუშაო გამოცდილება
  • სტუდენტის პოტენციალი და ა.შ.

ჩარიცხვა შეიძლება დამოკიდებული იყოს სხვა ფაქტორებზეც, როგორიცაა სხვა კანდიდატების მონაცემები და მიღწევები, აპლიკაციების საერთო რაოდენობა და ა.შ. ხშირად 15-20 ადგილზე მისაღებად 1000-ზე მეტი განაცხადი შედის, ამიტომ მისი ყველა კომპონენტისთვის დიდი ყურადღების დათმობაა საჭირო. 

  • რომელი ტესტები ჩავაბარო?

ინგლისურენოვანი პროგრამებისთვის აუცილებელია TOEFL ან IELTS (აკადემიური) ჩაბარება, თუ უნივერსიტეტის მიერ სხვა ტესტიც არ არის განსაზღვრული.

  • TOEFL ჩავაბარო თუ IELTS? რა განსხვავებაა მათ შორის?

დეტალური პასუხისთვის წაიკითხეთ ეს პოსტი და თავად მიიღეთ გადაწყვეტილება.

  • IELTS/TOEFL-ის ქულა მაქვს X და მიმიღებენ?

უნივერსიტეტში ჩასარიცხად მხოლოდ ტესტის ქულა არ არის საკმარისი. მიმღები კომისიის წევრები გადაწყვეტილებას იღებენ კომპლექსურად, რამდენიმე ფაქტორის გათვალისწინებით. სტუდენტი აუცილებლად უნდა აკმაყოფილებდეს ამ კონკრეტული უნივერსიტეტის/პროგრამის ენის ტესტის მინიმალურ მოთხოვნებს, წინააღმდეგ შემთხვევაში კონკურენციას ვერ გაუძლებს. თუმცა, ზოგჯერ არის გამონაკლისი შემთხვევები:

  • ზოგი უნივერსიტეტი კანდიდატებს სთავაზობს შიდა ენის ტესტის ჩაბარებას, რომლის შედეგების გამოყენება შეგეძლებათ მხოლოდ იმ კონკრეტული უნივერსიტეტისთვის.
  • ტესტის დაბალი ქულის შემთხვევაში, შესაძლოა უნივერსიტეტმა მოგცეთ გარკვეული ვადა მის გადასაბარებლად.
  • ასევე შესაძლებელია, რომ დაბალი ქულის შემთხვევაში უნივერსიტეტმა/პროგრამამ შემოგთავაზოთ რამდენიმეკვირიაი ინგლისურის კურსის გავლა საკუთარ ბაზაზე, სწავლის დაწყებამდე.

თითოეული ეს შესაძლებლობა გადაამოწმეთ ოფიციალურ ვებსაიტებზე და/ან უნივერსიტეტის ოფიციალურ წარმომადგენელთან.

  • ჩემს TOEFL/IELTS ვადა გაუვიდა და თავიდან მომიწევს აღება?

დიახ, ტესტი თავიდან უნდა ჩააბაროთ. უნივერსიტეტები არ იღებენ ვადაგასულ შედეგებს.

  • შეიძლება თუ არა TOEFL/IELTS-ის ჩაბარების გარეშე უნივერსიტეტში მოხვედრა?

ეს შესაძლებელია რიგ შემთხვევებში:

– თუ დამთავრებული გაქვთ ინგლისურ ენაზე უნივერსიტეტი ან სკოლა და შეგიძლიათ ამის დოკუმენტურად დადასტურება;

– თუ ჩაბარებული გაქვთ უნივერსიტეტის მიერ აღიარებული სხვა საერთაშორისო ტესტი, მაგალითად: PTE, FCE ან სხვა რამ. ეს დეტალი აუცილებლად მითითებული იქნება უნივერსიტეტის ვებსაიტზე.

– თუ ჩააბარებთ უნივერსიტეტის მიერ ორგანიზებული ენის ტესტს. მაგალითად, ტალინის უნივერსიტეტი საქართველოში ყოველწლიურად აწყობდა ინგლისური ენის ტესტს, რომლის ჩაბარების შემთხვევაში სტუდენტები თავისუფლდებოდნენ TOEFL/IELTS- ის გაგზავნის ვალდებულებისგან. ეს შესაძლებლობაც აუცილებლად მოცემული იქნება უნივერსიტეტის/პროგრამის ოფიციალურ ვებსაიტზე.

  • ცუდი ნიშნები მყავს და მიმიღებენ?

რთული სათქმელია.  ნიშნები მნიშვნელოვანია, მაგრამ არა გადამწყვეტი. ზოგადად, უნივერსიტეტს და პროგრამას გააჩნია. ზოგიერთ მათგანს აქვს მინიმალური მოთხოვნები (მაგალითად, GPA 3.0 და ზემოთ). თუ ამას ვერ აკმაყოფილებთ და მაინც ძალიან გსურთ კონკურსში მონაწილეობა, ძალიან კარგად უნდა ახსნათ, თუ რატომ ღირს თქვენი მიღება და გამოკვეთოთ რა გაქვთ ცუდი ქულების საპირწონედ.

  • ყველა უნივერსიტეტი ერთ ქულას ითხოვს?

– უნივერსიტეტებს და პროგრამებს შეიძლება ჰქონდეთ მინიმალური ქულის სხვადასხვა მოთხოვნა, ეს აუცილებლად იქნება მოცემული მათ ოფიციალურ ვებსაიტზე. რაც უფრო მაღალია თქვენი აკადემიური მიღწევები, მეტად კონკურენტუნარიანი იქნებით.

  • ვინ შეიძლება იყოს რეკომენდატორი?

რეკომენდაციის შესახებ ამომწურავი ინფორმაცია იხილეთ ამ ბმულზე.

  • რა პროცედურების გავლაა საჭირო ევროპული უნივერსიტეტის ბაკალავრიატში ჩასარიცხად?

ზოგადი მოთხოვნების, საბუთების ჩამონათვალის შესახებ იხილეთ ეს პოსტი. (სწავლა საზღვარგარეთ – როგორ დავიწყოთ). შესაძლებელია კონკრეტულ ქვეყანას ან უნივერსიტეტს ჰქონდეს განსხვავებული მოთხოვნები (საბუთების აპოსტილით დამოწმება, სკოლის ნიშნების გაგზავნა, დამატებითი გამოცდის ჩაბარება და ა.შ.). საბუთების მომზადება დაიწყეთ ოფიციალურ ვებსაიტზე მოცემული სიის შესაბამისად.

  • შეიძლება თუ არა ქართული დიპლომით უცხოეთის უნივერსიტეტში ჩაბარება?

– რა თქმა უნდა შეიძლება. ზოგი ქვეყანა/უნივერსიტეტი მოითხოვს დიპლომის აღიარებას და თავისივე ვებსაიტზე აქვს გამოქვეყნებული ამისათვის საჭირო პროცედურები და ვადები.

  • შესაძლებელია თუ არა, რომ საზღვარგარეთ უნივერსიტეტის დამთავრების შემდეგ გარკვეული პერიოდი სამუშაოდ დავრჩე?

 დიახ, შესაძლებელია. ყველა ქვეყანას თავისი რეგულაცია და პროცედურები გააჩნია, ამიტომ გაეცანით იმ ქვეყნის კანონებს, სადაც სწავლობთ ან სწავლას აპირებთ.

  • ბაკალავრიატი დამთავრებული მაქვს X მიმართულებით, სურვილი მაქვს სწავლა გავაგრძელო Y სპეციალობაზე. როგორია ჩემი ჩაირცხვის შანსები?

 გააჩნია სპეციალობებს და უნივერსიტეტის პოლიტიკას. ზოგი უნივერსიტეტი, კარგი დასაბუთების და/ან შესაბამისი პრაქტიკული გამოცდილების შემთხვევაში უფლებას მოგცემთ ჩააბაროთ სასურველ სპეციალობაზე. თუმცა, ეს არ უნდა იყოს ძალიან განსხვავებული პროფესიები. უმეტესობა მაინც უპირატესობას ანიჭებს ერთი და იმავე დარგში სწავლის გაგრძელებას, ითხოვს ამ მიმართულებით გავლილი საგნების გარკვეულ საათებს. ნებისმიერ შემთხვევაში აუცილებლად დაუკავშირდით უნივერსიტეტს ოფიციალურ ელექტრონულ მისამართზე და ჰკითხეთ, რამდენად შესაძლებელია მათთან ამის გაკეთება. სპეციალობის შეცვლის შემთხვევაში ძალიან კარგი არგუმენტაციაა საჭირო.

  • როგორ ავირჩიო უნივერსიტეტი?

პირველ რიგში, უნდა ჩამოყალიბდეთ რა გსურთ – რა კონკრეტული სპეციალობა, სად. როგორ გარემოში სწავლა, რომელ ქვეყანაში, როგორ უნივერსიტეტში. პრიორიტეტების განსაზღვრასთან ერთად გაეცანით ამ ინფორმაციასაც: როგორ შევარჩიოთ უნივერსიტეტი.

  •  ჯერ საქართველოში უნდა ჩავაბარო მაგისტრატურაში და შემდეგ უნდა მივიღო მონაწილეობა უცხოურ პროგრამებში?

– შეგიძლიათ ჯერ საქართველოში ჩააბაროთ მაგისტრატურაში და შემდეგ გაცვლითი სემესტრით გაემგზავროთ რომელიმე უნივერსიტეტში. ამ პროგრამებისა და პარტნიორების ჩამონათვალი მოცემული იქნება თქვენი უნივერსიტეტის ვებსაიტზე. შემდეგ დაბრუნდებით და სწავლას დაამთავრებთ საქართველოში.

– ასევე შეგიძლიათ პირდაპირ უცხოეთის უნივერსიტეტში ჩააბაროთ სასურველ სპეციალობაზე, შერჩეულ ქვეყანაში. ამ შემთხვევაში მიიღებთ უცხოურ დიპლომს.

  • მინდა, მაგისტრატურა გავიარო უცხოეთში. შემიძლია თუ არა დაფინანსების მიღება რომელიმე ქვეყანაში სწავლისთვის?

 საერთაშორისო სტუდენტებისთვის არსებობს ბევრი სტიპენდია, რომელიც სწავლას და ცხოვრებას აფინანსებს ნაწილობრივ ან მთლიანად. ამისათვის უნდა აკმაყოფილებდეთ გარკვეულ მოთხოვნებს და გაიაროთ კონკურსის რამდენიმე ეტაპი.

  • X   წლის ვარ და მაგისტრატურაზე ჩაბარება დაგვიანებულია? (განსაკუთრებით 25+ ადამიანები კითხულობენ ამას).

გამონაკლისების გარდა, უნივერსიტეტებს არ აქვთ ასაკობრივი შეზღუდვა, ასე რომ შეგიძლიათ თამამად გაგზავნოთ განაცხადები. სწავლა არასოდესაა გვიან.

  • რას ნიშნავს უპირობო ჩარიცხვა?

 უპირობო ჩარიცხვა ნიშნავს, რომ თქვენ მთლიანად აკმაყოფილებთ უნივერსიტეტის მოთხოვნებს და მიგიღეს. თუ რომელიმე კომპონენტში სუსტია აპლიკაცია, მაგრამ უნივერსიტეტს მაინც აინტერესებს კანდიდატი, ამ შემთხვევაში ხდება “პირობითი ჩარიცხვის” (conditional offer) საბუთის გამოშვება. კანდიდატს მოეთხოვება ამ ხარვეზის აღმოფხვრა (მაგალითად, ენის ტესტის ჩაბარება უფრო მაღალ ქულაზე, სარეკომენდაციო წერილის გაგზავნა და ა.შ.).



დიეგო და ფრიდა


როცა გამოფენაზე მივდიოდი, რატომღაც მეგონა, ეს იქნებოდა ძალიან ფერადი და დინამიური გამოფენა, სადაც ვნახავდი ამ საოცარი ქალის ბობოქარი ცხოვრების ამსახველ კადრებს; რომ ფოტოებიდან წამოვიდოდა ცოცხალი ემოცია, ფრიდას ენერგია, ბრძოლისუნარიანობა და მგზნებარება. ფეისბუქზე დადებულ განცხადებაშიც ხომ გვამცნობდნენ, რომ ეს იქნებოდა დიეგოსა და ფრიდას ცხოვრებისა და შემოქმედების ამსახველი გამოფენა.

იმედი მწარედ გამიცრუვდა: დამხვდა 4 კედელს შორის გამოკეტილი შავთეთრი ფოტოები – დიეგო და ფრიდა. ფრიდა და დიეგო. მათი ცხოვრება – დაბადებიდან სიკვდილამდე. ფრიდა დიეგოსთან ერთად და დიეგო – ფირდასთან ერთად. ფრიდა ჭრელ კაბებში, ფრიდა სკამზე, ფრიდა მუშაობის დროს… ფოტოებზე ეს ორი ერთად იყო და ამავე დროს ძალიან მარტოსული ჩანდა – მეგობრების, თანამოაზრეების გარეშე. ყოველ შემდეგ ფოტოზე დიეგო თანდათან ბერდებოდა და კიდევ უფრო სუქდებოდა; ფრიდას სულერთია გამომეტყველებაც იშვიათად იცვლებოდა. შემთხვევით ვიზიტორს შეიძლება იგი ძალიან სწორხაზოვან, გულგრილ და სტატიკურ ადამიანად ჩაეთვალა. გამოფენაზე საერთოდ არ იგრძნობოდა შემოქმედება და გამოწვევები, რომლებსაც ეს წყვილი უგზვნიდა ხელოვნების სამყაროს, ერთმანეთს, და თუნდაც ჩვენს თანამედროვეებს. არ ჩანდა მათი ხასიათი, იდეები. პაწაწინა ფოტოებს მოკლე, მშრალი საინფორმაციო წარწერები ჰქონდა – რისი წაკითხვაც ინტერნეტშიც შეიძლებოდა.

ერთადერთ ფერად, “ფრიდას სტილის” კუთხეში  გამოყენებულ ხალიჩას რატომღაც ქართული წარწერები ამშვენებდა. 🙂 ეს კი ამ ერთადერთი ჭრელი ადგილის “მექსიკურობის” შეგრძნებასაც აქარწყლებდა. თუმცა საწოლზე დადებული სარკე სელფების მოყვარულებისთვის ნამდვილი განძი გამოდგა – ვისაც არ ეზარებოდა მის წინ მობილურს ყველა აჩხაკუნებდა.

მოკლედ, ძალიან უფერული გამოფენა აღმოჩნდა. ძალიან სასაცილოა, რომ “საზოგადოების დიდი ინტერესის გამო” იგი დაგეგმილზე დიდხანს, 2 დეკემბრამდე გაგრძელდება.

This slideshow requires JavaScript.

განათლების საერთაშორისო ცენტრის სტიპენდია საზღვარგარეთ სწავლისათვის


განათლების საერთაშორისო ცენტრი სამთავრობო ინსტიტუტია, რომელიც გასცემს საქართველოს მოქალაქეებისთვის სრულ ან ნაწილობრივ დაფინანსებას საზღვარგარეთ სასწავლებლად სამაგისტრო და სადოქტორო პროგრამებზე, ასევე ახორციელებს კვალიფიკაციის ამაღლებისა და რიგი სხვა სტიპენდიების ადმინისტრირებას.

მაგისტრატურის დაფინანსებისათვის საბუთების შეტანა შეუძლია 35 წლამდე საქართველოს მოქალაქეს. ცენტრის მთავარი მოთხოვნაა, რომ სწავლის დამთავრების შემდეგ სტუდენტი დაბრუნდეს საქართველოში და აქ იმუშაოს შესაბამის ორგანიზაციაში 3 წლის განმავლობაში. ასე რომ თუ ქვეყანაში დაბრუნებას არ გეგმავთ, სჯობია მას არ მიმართოთ.

სააპლიკაციო პროცესი მოიცავს 3 ეტაპს:

  • საბუთების ატვირთვა ონლაინ. ცენტრის წარმომადგენლები ამოწმებენ მათ და ხარვეზის აღმოჩენის შემთხვევაში (მაგალითად, თუ რომელიმე დოკუმენტი აკლია), ცენტრის წარმომადგენელი გიგზავნით ელექტრონულ ფოსტაზე შეტყობინებას ან გირეკავთ და გთხოვთ დადგენილ ვადაში მის გამოსწორებას.
  • მეორე ეტაპზე ხდება საბუთების შინაარსობრივი შეფასება კონკრეტული კრიტერიუმების მიხედვით. დადგენილია გამსვლელი ქულა მიმართულებების მიხედვით. შეფასების კრიტერიუმები მოიცავს შემდეგს: განათლება, გამოცდილება, მოტივაცია, სამომავლო გეგმები და განაცხადის საერთო სიძლიერე.
  • მესამე ეტაპზე ხდება გასაუბრება სტიპენდიის კანდიდატებთან. ამ შემთხვევაში კანდიდატი გადის კომისიის წინაშე, რომელიც დაახლოებით 20 წუთის განმავლობაში კითხვებს უსვამს და აფასებს შემდეგი კრიტერიუმების მიხედვით: განათლება და გამოცდილება; მოტივაცია და არგუმენტაცია; პრეზენტაბელურობა; სამომავლო გეგმები; სასტიპენდიო პროგრამის მიზნებთან კონკურსანტის შესაბამისობა.
Continue reading →