გამგზავრებამდე საჭირო ინფორმაცია


Scholarship საზღვარგარეთ სასწავლებლად გამგზავრებამდე მთელი რიგი ინფორმაციის მოძიებაა აუცილებელი. ზარმაცი ადამიანის ლოგიკა – “ჩავალ და ადგილზე გავარკვევ” – ამ შემთხვევაში უნდა დაივიწყოთ: ჩასვლის შემდეგ ისედაც ბევრი მოსაგვარებელი დეტალი გამოხტება, ასევე შეიძლება იყოს კულტურული შოკი, ათასი ნამდვილი და მოგონილი მიზეზი, რომელიც საქმის კეთებაში ხელს შეგიშლით. როდესაც არსებობს ინტერნეტი, სავსებით შესაძლებელია მაქსიმალური ინფორმაციის მოძიება და გარკვევა რიგი მნიშვნელოვანი საკითხების შესახებ. კერძოდ:  Continue reading

Advertisements

TOEFL iBT თუ EILTS?


TOEFL და IELTS ინგლისური ენის ორი საერთაშორისო აკადემიური ტესტია, რომელთა შედეგებსაც აღიარებენ უცხოეთის უნივერსიტეტები. ორივე ტესტს ერთი და იგივე დანიშნულება აქვს და ხშირად საზღვარგარეთ სწავლის მსურველები კითხულობენ თუ რომელი სჯობია.

TOEFL ამერიკული ტესტია, IELTS – ბრიტანული. ისინი სტრუქტურულად ერთმანეთის მსგავსია (მოიცავს მოსმენის, წერის, კითხვისა და საუბრის კომპონენტებს), თუმცა შიდა აგებულება და სპეციფიკა განსხვავებული აქვთ,.

უფრო დაწვრილებით ტოეფელის სტრუქტურის შესახებ: TOEFL iBT  სტრუქტურა

IELTS-ის სტრუქტურის შესახებ: IELTS სტრუქტურა

დანარჩენ განსხვავებებს რაც შეეხება:  Continue reading

ინგლისურის ტესტები, რომელთა შედეგებს ბრიტანეთი აღიარებს


ამ ლინკზე მოცემულ ჩამონათვალში ნახავთ ყველა იმ ტესტსა და მინიმალურ მოთხოვნას, რომელსაც ბრიტანეთის Home Office აღიარებს და იღებს. ტესტები მოცემულია 2016 წლის 18 მაისის მდგომარეობით და შეიცავს სხვადასხვა სახის სერთიფიკატებისა და დონეების ჩამონათვალს, როგორიცაა IELTS, Cambridge English: Key (also known as Key English Test), ESOL, TOEIC, Pearson Test of English Academic (PTE Academic) და ა.შ.

2014 წლის აპრილიდან ბრიტანეთი აღარ აღიარებს TOEFL-ს. 

 

Toefl iBt-ის სტრუქტურა


 Toefl iBT შედგება 4 სექციისგან:

1. მოსმენა

  • ხანგრძლივობა: 60-90 წუთი
  • 3-5- წუთიანი 4-6 ლექცია, თითოეული მათგანი 5 კითხვით
  • 3 წუთიანი 2-3 დიალოგი, თითოეული მათგანი 5 კითხვით
  • რჩევა: შესავალს აკეთებს ერთზე მეტი ინგლისურ აქცენტზე
  • შეფასება: 0-30 ქულა

2. საუბარი

  • ხანგრძლივობა: 20 წუთი
  • 2 დამოუკიდებელი ამოცანა: ისაუბრეთ ნაცნობი თემის შესახებ
  • 4 ინტეგრირებული ამოანა: ისაუბრეთ იმის შესახებ, რასაც წაიკითხავთ და მოუსმენთ
  • რჩევა: მოსამზადებლად გაქვთ 30 წამი, პასუხისთვის – 1 წუთი
  • შეფასება: 0-4 ქულა, როელიც კონვერტირდება 0-30 ქულიან სკალაზე

3. კითხვა

  • ხანგრძლივობა: 60-100 წუთი
  • 3-5 პასაჟი აკადემიური ტექსტიდან, თითოეული დახლოებით 700 სიტყვა
  • 12-14 სიტყვა პასაჟში
  • რჩევა: შეიცავს ლექსიკონს საკვანძო სიტყვების განსამარტავად

 4. წერა

  • ხანგრძლივობა: 50 წუთი
  • 1 ინტეგრირებული ამოცანა: დაწერეთ რასაც წაიკითხავთ და მოუსმენთ
  • 1 დამოუკიდებელი ამოცანა: არგუმენტირებული ესე
  • რჩევა: მოითხოვს ბეჭდვას
  • შეფასება: 0-5 ქულა, რომლეიც კონვერტირდება 0-30 ქულიან სკალაზე

თითოეული მათგანი ფასდება 0-დან 30 ქულამდე (საერთო ჯამური ქულა 120). შეფასება ხელმისაწვდომი ხდება გამოცდიდან 15 სამუშაო დღის განმავლობაში ონლაინ. ამავე პერიოდში მიიღებენ მას თქვენს მიერ არჩეული სასწავლო დაწესებულებები. ტესტის შედეგების გამოყენების ვადა არის ჩაბარებიდან 2 წელი.

კურსები – iBT, TOEFL, IELTS, PBT- TOEFL, SAT, EFL


საერთაშორისო განათლების ცენტრი აცხადებს ინტენსიურ მოსამზადებელ კურსებს iBT TOEFL, IELTS, PBT- TOEFL, SAT და EFL ( English as a Foreign Language)-ის შემსწავლელთათვის.

მსმენელებმა წინასწარ უნდა გაიარონ ტესტირება და გასაუბრება. სტუდენტების რაოდენობა კლასში მაქსიმუმ 6-8 სტუდენტი.

კურსების ღირებულებაა:

iBT TOEFL – 350 ლარი, კურსის ხანგრძლივობა: 2 თვე
IELTS – 400 ლარი, კურსის ხანგრძლივობა: 2 თვე
PBT – TOEFL – 300 ლარი, კურსის ხანგრძლივობა: 2 თვე
SAT – 500 ლარი, კურსის ხანგრძლივობა: 2 თვე
EFL (English as a Foreign Language) – 480 ლარი, კურსის ხანგრძლივობა: 3 თვე

რეგისტრაციის თარიღებია: 20 – 30 ნოემბერი, 2012. კურსები დაიწყება 4 დეკემბერს, 2012.

დამატებითი ინფორმაციისათვის გთხოვთ, მოგვმართოთ:
“საერთაშორისო განათლების ცენტრი”
ჭოველიძის ქუჩა 10
ტელეფონი: 225 26 15
http://www.cie.ge

Toefl iBT-ისთვის ონლაინ რეგისტრაცია


როგორც ერთ-ერთ წინა პოსტში ვწერდი, ტოეფელის გამოცდისათვის რეგისტრაცია რამდენიმე გზით ხდება: ფოსტის საშუალებით, ტელეფონით, ან ტოეფელის ცენტრში ან ონლაინ სააპლიკაციო ფორმის საშუალებით. ჩემთვის ყველაზე სწრაფი და მარტივი გზა ეს უკანასკნელია.

რა გჭირდებათ ონლაინ რეგისტრაციისთვის:

  • ინტერნეტში ჩართული კომპიუტერი
  • 160$ საკრედიტო ბარათის ანგარიშზე. შეიძლება ნებისმიერი ბარათის გამოყენება, რომელსაც მოქმედების ვადა ჯერ არ გასვლია. მათ შორის ვიზა კლასიკი ან ვიზა ელექტრონი.
  •  მცირე დრო: დაახლოებით 3-5 წუთი.

ტოეფელის გამოცდისათვის სააპლიკაციო ფორმა ივსება ინგლისურ ენაზე, ლათინური ასოებით.

ონლაინ რეგისტრაცია შესაძლებელია მხოლოდ ტოეფელის ოფიციალურ საიტზე და სხვაგან არსად. თუ ვინმე სხვაგან გადაგამისამართათ, არ დაუჯეროთ. ასევე არ ენდოთ მათ, ვინც გეტყვით, რომ ეს ფასიანი სერვისია. ზოგჯერ ამ მარტივი პროცედურის გავლაში ანაზღაურებას ითხოვენ. არ ღირს სხვას გადაუხადოთ იმაში, რისი გაკეთებაც თავად შეგიძლიათ.

ტოეფელის საიტზე ანგარიშის გახსნა არის უფასო. თანხის გადახდა ხდება მხოლოდ გამოცდაზე რეგისტრაციისათვის. დღეისათვის ოფიციალური გადასახადი არის 160$. თუმცა დროთა განმავლობაში შეიძლება ადმინისტრაციამ ფასი შეცვალოს. ამიტომ რეგისტრაციამდე საიტზე კიდევ ერთხელ გადაამოწმეთ ხოლმე.

რა ნაბიჯები უნდა გაიაროთ საგამოცდო რეგისტრაციამდე?

 პირველ რიგში, შედით ტოეფელის ოფიციალურ საიტზე. ზედა მარჯვენა კუთხეში დააჭერთ My Toefl iBT account.

შედეგად გამოჩნდება შემდეგი ფორმა:

 დააჭერთ New User?-ის ქვემოთ Sign Up-ს და დაიწყებთ ეკრანზე გამოსული ფორმის შევსებას. ეს არის მარტივი ანკეტა, სადაც პირადი და საკონტაქტო მონაცემები უნდა შეიყავანოთ. ფორმა უნდა შეავსოთ ლათინური ასოებით, სახელი დაწეროთ ზუსტად ისე, როგორც ოფიციალურ დოკუმენტებშია. მაგალითად, თუ პასპორტში გიწერიათ Giorgi, ანკეტაში არ დაწეროთ George. წინააღმდეგ შემთხვევაში გამოცდის დღეს იდენტიფიკაციის პრობლემა შეიქმნება.

წითლად მონიშნული გრაფები სავალდებულო შესავსებია, თუ მონაცემს არ შეიყვანთ, შემდეგ გვერდზე არ გადავა და საბოლოო ჯამში რეგისტრაციას ვერ მოახერხებთ.

გრაფაში Country/Location of Residency – მიუთითეთ ფაქტიური საცხოვრებელი ქვეყანა. ეს არ არის ჩაწერის ადგილი, არამედ მისამართი, სადაც რეალურად იმყოფებით და სადაც  შემდეგში მოხდება ქულების გამოგზავნა, ამიტომ შეავსეთ სწორად. First/Given name – სახელი, Last/Family name – გვარი. Address line 1-ში, ბინისა და ქუჩის ნომერი (ჯერ ბინა, შემდეგ ქუჩა). თუ მისამართი მეტისმეტად გრძელია, მეორე და მესამე გრაფებში გააგრძელებთ.  10 Javakhishvili street.

ცალკე გრაფა აქვს ქალაქს, ამიტომ ქუჩასთან ერთად ქალაქის სახელი არ ჩაწეროთ.

სავალდებულო შესავსებში არ არის საფოსტო კოდი, თუმცა სასურველია რომ მიუთითოთ. თუ არ იცით თქვენი ქუჩის კოდი, მოძებნეთ საქართველოს ფოსტის საიტზე.

 დაბადების თარიღი: თვე, რიცხვი, წელი ოთხნიშნა რიცხვით.

ამის შემდეგ აუცილებელია საკონტაქტო ინფორმაციის შევსება. სავალდებულოა ტელეფონის ნომრის ჩაწერა (ტელეფონის ნომერი უნდა შეიცავდეს ქვეყნისა და ქალაქის კოდებს: + 995 (ქალაქის ან მობილური ოპერატორის კოდი) 123456).

იმ შემთხვევაში თუ ელექტრონული ფოსტით გირჩევიათ კონტაქტი, ჩაწერეთ მოქმედი მისამართი და მონიშნეთ E-mail. თუ გსურთ რომ პერიოდულად მიიღოთ ცნობები სიახლეებისა და სპეციალური შემოთავაზებების შესახებ, მონიშნეთ შესაბამისი გრაფა.

იმ შემთხვევაში, თუ გაერთიანებულ სამეფოში ან ავსტრალიაში აპირებთ სწავლას, მუშაობას ან დასახლებას, ანკეტაში უნდა შეიტანოთ საკუთარი საპასპორტო ან ID მონაცემები.

გარდა ამისა, უნდა ამონიშნოთ ქვეყანა, სადაც დაიბადეთ, მშობლიურ ენა, მოქალაქეობა და ქვეყანა, სადაც ცხოვრებას, დასახლებას ან მუშაობას აპირებთ. დანარჩენი გრაფების შევსება არ არის სავალდებულო.

შემდეგ უნდა მონიშმოთ Yes I agree terms and conditions და დააჭიროთ Continues-ს.

ბოლო ეტაპი არის სამომხმარებლო სახელისა და პაროლის შექმნა. სახელი უნდა იყოს 6-16 სიმბოლო, არ არ უნდა შეიცავდეს სპეციალურ სიმბოლოებს (როგორიცაა @$^*&#_-$)

პაროლი უნდა იყოს 8-16 სიმბოლო და შეიცავდეს დიდ და პატარა ლათინურ ასოებსა და რიცხვებს. უსაფრთხოების მიზნით არ შეიძლება სამომხმარებლო სახელის, გვარის ან სახელის გამოყენება პაროლად.

შემდეგ საიდუმლო კითხვის შექმნის დროა. სისტემა თავადვე გთავაზობთ რამდენიმე ვარიანტს, ამოირჩიეთ და შეავსეთ ერთ-ერთი. პაროლის დავიწყების შემთხვევაში ეს დაგეხმარებათ.

შემდეგ დააჭირეთ continue-ს. შედეგად ეკრანზე გამოვა თქვენი სარეგისტრაციო მონაცემები. თუ რამე შეგეშალათ შეგიძლიათ შეასწოროთ, შემდეგ კი დააჭირეთ confirm-ს.

ახლა როდესაც ექაუნთი შექმნილია, შემდეგ ეტაპზე უნდა გადახვიდეთ: დარეგისტრირდეთ ტოეფელის გამოცდისთვის.

სისტემაში შესვლის შემდეგ ეკრანზე გამოდის ასეთი ფორმა:

უნდა დააჭიროთ Test Registration and Orders-ის ქვემოთ Register/Order-ს. გამოჩნდება  შემდეგი ფორმა:

ამოარჩიეთ Teofl Test. შემდეგ I So Sign and Agree.

ქვეყნის არჩევის შემდეგ გამოდის ქალაქები, სადაც ტოეფელის ოფიციალური ცენტრებია. საქართველოს შემთხვევაში ეს არის აღ. საქართველო (თბილისი) და ბათუმი.

ქვემოთ უნდა მონიშნოთ სასურველი თარიღები 60 დღის შუალედით. მაგალითად 22 სექტემბრიდან 24 ნოემბრამდე. უფრო დიდ შუალედს სისტემა უბრალოდ არ გაჩვენებთ.

Search-ზე დაჭერის შემდეგ გამოდის ყველა იმ საგამოცდო ცენტრის ჩამონათვალი, რომელიც თავისუფალია მოცემული პერიოდის განმავლობაში. ორგანიზაციების დასახელება, მისამართი, ხელმისაწვდომი დღები და საათები.

სასურველი დროისა და ადგილის არჩევის შემდეგ გამოდის სრული ინფორმაცია.

შემდეგ უნდა აირჩიოთ როგორ გირჩევიათ ქულების მიღება: მხოლოდ ონლაინ თუ საფოსტო გზავნილის სახითაც.

შემდეგ ეტაპზე შეგიძლიათ მონიშნოთ 4 უნივერსიტეტი, სადაც ETS უფასოდ გაგზავნის ქულებს. იმ შემთხვევაში, თუ არჩევანი გაკეთებული არ გაქვთ, შეგიძლიათ ეს გრაფები ღიად დატოვოთ. თუმცა ტესტის ჩაბარების შემდეგ ქულების გაგზავნა უკვე ფასიანი იქნება – თითოეული მისამართისთვის 17$.

სასურველი უნივერსიტეტის მოძებნა მარტივად შეიძლება: ინდივიდუალური კოდით, სახელით, ან ქვეყნის მიხედვით.

უნივერსიტეტის არჩევის შემდეგ უნდა განსაზღვროთ რომელი დონის/სკოლის სტუდენტობა გსურთ. Undergraduate – ბაკალავრიატი, graduate – მაგისტრატურა, შეიძლება ასევე გამოჩნდეს კონკრეტული სკოლების დასახელებები.

ამის შემდეგ ჩამოშალეთ დეპარტამენტთა ჯგუფების ჩამონათვალი

შემდეგ – კონკრეტული დეპარტამენტები:

ბოლო ეტაპია სტატისტიკური კითხვების შევსება, როგორიც არის რისთვის გსურთ ტოეფელის ჩაბარება და ა.შ. თუმცა ეს არ არის სავალდებულო, სურვილის შემთხვევაში შეგიძლიათ გამოტოვით.

შემდეგ დათანხმება სარგებლობის პირობებზე:

Value Pack – ფასიანი მომსახურებებია, რომელიც ნებაყოფილობითია. თუ ზედმეტი $-ების დახარჯვა არ გსურთ, No, thanks მონიშნეთ და გააგრძელეთ.

ბოლო ეტაპი არის საგამოცდო თანხის გადახდა ელექტრონული სახით ან ვაუჩერით. ელექტრონული გადახდისათვის აუცილებელია საკრედიტო ბარათი ანგარიშზე სათანადო თანხით. დღეისათვის ეს არის 160$. მონიშნეთ Electronic Payment და გააგრძელეთ ფორმის შევსება.

მონიშნეთ ვიზა და გადადით შემდეგ ეტაპზე.

 შეიყვანეთ მისი მონაცემები: ბარათის ტიპი, ნომერი, მოქმედების ვადა Card Verification Code, რომელსაც მის უკანა მხარეს იპოვით. Billing Information-ში მონიშნეთ Use Ship to name too Bill to name და Use ship to Address to Bill to address და ავტომატურად ჩასვამს პირად მონაცემებსა და მისამართს. შემდეგ დაამთავრეთ რეგისტრაცია.

ბოლო ეტაპზე შეამოწმეთ ელექტრონული ფოსტა. აქ უნდა იყოს confirmation email, სადაც დაწვრილებით ეწერება გამოცდის დრო, ადგილი, წარსადგენი დოკუმენტები.

ამით Toefl iBT-ის გამოცდისათვის რეგისტრაცია დასრულებულია. ისღა დაგრჩენიათ მოემზადოთ და დანიშნულ დროს საგამოცდო ცენტრში მიხვიდეთ.

წარმატებას გისურვებთ! 🙂

ESL, TOEFL, SAT courses at EAC Kvali


საგანმანათლებლო საინფორმაციო ცენტრი „კვალი“ მსურველებს სთავაზობს ზოგადი ინგლისური ენის, TOEFL-ისა და SAT Subject (Mathematics, Physics)-ის მოსამზადებელ კურსებს. ზოგადი ინგლისური ენის კურსი მოიცავს 6 დონეს და მიზნად ისახავს სტუდენტების სმენის, საუბრის, კითხვისა და წერის უნარ-ჩვევების გაუმჯობესებას.

 კურსის წარმატებით დასრულების შემთხვევაში გაიცემა სერთიფიკატი.

კურსზე დასარეგისტრირებლად მსურველებმა უნდა გაიარონ დონის შესამოწმებელი ტესტირება.

 

კურსის ხანგძლივობა:

ზოგადი ინგლისური – 3 თვე; კვირაში 3-ჯერ/2სთ.

TOEFL – 2 თვე; კვირაში 3-ჯერ/2სთ.

SAT – კვირაში 2-ჯერ/2სთ.

 

საკონტაქტო ინფორმაცია:

Educational Advising Center Kvali

Tbilisi State University, II Block

3, Chavchavadze Avenue

0128 Tbilisi, Georgia

Tel: 995 32 91-24-31; 91-26-90