გამგზავრება: რა წავიღოთ


travelpackingtipsბარგი ისე უნდა ჩაალაგოთ, რომ ჩასვლის შემდეგ, ყველაფერს რომ ამოალაგებთ, საკუთარ თავს არ დაუსვათ რიტორიკული კითხვა: “ეს რა ჯანდაბად მინდოდა?”

უნდა გაითვალისწინოთ, რომ შეზღუდული ბარგის წაღების უფლება გექნებათ – 1 ან 2 ჩემოდანი, მათი დასაშვები წონა კონკრეტული ავიაკომპანიის საიტზე უნდა გადაამოწმოთ. შეიძლება ეს იყოს 20, , 23 კგ ან მეტი. აუცილებლად დააზუსტეთ, რადგან ზედმეტი წონისთვის დამატებითი თანხის გადახდა მოგიწევთ. ბარგი უნდა ჩაალაგოთ მაქსიმალურად კომპაქტურად და ეფექტურად, რაც ნიშნავს, რომ უნდა წაიღოთ მხოლოდ აუცილებელი ნივთები. Continue reading

Advertisements

გასაუბრება სტიპენდიისთვის/უნივერსიტეტში ჩასარიცხად


applicaiton-interviewგასაუბრება სასტიპენდიო პროგრამებისთვის ერთ-ერთი მნიშვნელოვანი შემადგენელი ნაწილია. ხშირად ეს არის გადამწყვეტი ეტაპი – ხდება კანდიდატების შერჩევა და გაცხრილვა. ამიტომ მნიშვნელოვანია რომ მისთვის კარგად მოემზადოთ.

თქვენი მიზანი გასაუბრებისას არის საკუთარი ძლიერი მხარეების წარმოჩენა. გახსოვდეთ, რომ გასაუბრება არის დიალოგი (და არა მშრალი კითხვა-პასუხის სესია) და აბსოლუტურად თქვენზეა დამოკიდებული რას ეტყვით და რით დაამახსოვრებთ თავს გადაწყვეტილების მიმღებ პირს. თქვენ ხართ ის ადამიანი, რომელიც ყველაზე კარგად იცნობს საკუთარ თავს, იცის მისი მისწრაფებები, მიზნები და ეს უნდა გასაგებად აუხსნას დიალოგის მეორე მონაწილეს. მხოლოდ თქვენ წყვეტავთ, საკუთარი პირადი თუ პროფესიული ცხოვრების რა დეტალები და რა ფორმით მოყვეთ, როგორი ემოციები და ასოციაციები გამოიწვიოთ მსმენელში.

ზოგიერთი რჩევა:

  • ისაუბრეთ თავდაჯერებულად. თავდაჯერება საქმის ნახევარს აკეთებს 🙂 ასევე გამსაუბრებელს მიანიშნებს იმაზე, რომ დარწმუნებული ხართ საკუთარ არჩევანში, კარგად იცნობთ სფეროს და მკაფიოდ ჩამოყალიბებული მიზნები გამოძრავებთ.
  • საუბრის მანერა – ეცადეთ ისაუბროთ მშვიდად, ზომიერი ტემბრით. ეცადეთ დაფაროთ საკუთარი მღელვარება. კონცენტრაცია მოახდინეთ საუბრის შინაარსზე, ეფექტურ პრეზენტაციაზე და არა საკუთარ ემოციებზე – ეს ის შემთხვევაა, როცა ეგოიზმი უნდა დაივიწყოთ. 🙂 მოერიდეთ დიდ პაუზებს. თუ კითხვა ვერ გაიგეთ, აუცილებლად ჰკითხეთ, დააზუსტებინეთ.
  • წინასწარ მოემზადეთ გასაუბრებისათვის. ეს ნიშნავს, რომ დეტალურად შეისწავლოთ პროგრამა, უნივერსიტეტი, სასწავლო გარემო და საგნები, შეძლებისდაგვარად გაეცნოთ გამსაუბრებლის შესახებ ინფორმაციას (აბა რისთვის არსებობს საძიებო სისტემები და სოციალური ქსელები 😉 ); ასევე გააანალიზოთ საკუთარი მისწრაფებები, მიზნები, გეგმები. დაალაგოთ სათქმელი და მოემზადოთ მხოლოდ სიმართლის სასაუბროდ. გასაუბრებაზე ტყუილის თქმა არ ღირს. გაწაფული დეიდები და ბიძიები მაინც გამოგიჭერენ და ასეთ შემთხვევაში სამუდამოდ დაემშვიდობებით იმ პროგრამაში/უნივერსიტეტში ჩარიცხვის შესაძლებლობას. სხვა საქმეა ფაქტების ეფექტურად შეფუთვა და წარმოჩენა 🙂
  • ლექსიკა – დაბალანსებული, მოერიდეთ ძალიან პროფესიული ტერმინების, აბრევიატურების გამოყენებას. შეიძლება გასაუბრებას ატარებდეს ადამიანი, რომელსაც კონკრეტულ სფეროსთან შეხება არ აქვს და მხოლოდ კანდიდატის მზაობას ამოწმებს კონკრეტული პროგრამისთვის/უნივერსიტეტისთვის.
  • კითხვები – ინერვიუმდე მოამზადეთ კითხვები. ამით მათ დაანახებთ, რომ დაინტერესებული ხართ კონკრეტული პროგრამით. რა შეიძლება ჰკითხოთ? მაგალითად: თუ აქვს პროგრამას ალუმნების ქსელი? გაუგებარი დეტალები, პროგრამის სწავლების მეთოდოლოგია, საცხოვრებელი პირობები, თქვენი ვალებულებები და ა.შ. ნებისმიერი რამ, რაც მასთან დაკავშირებულია და მოცემული არ არის პროგრამის/უნივერსიტეტის ვებსაიტზე, ბუკლეტში.

business-attireქვემოთ მოცემულია შესაძლო კითხვები აკადემიური გასაუბრებისათვის. “შესაძლო” ნიშნავს, რომ ეს არის საორიენტაციო ჩამონათვალი. რეალურად გასაუბრებაზე პასუხისმგებელ პირზეა დამოკიდებული რას გკითხავთ, რას ჩაუღრმავდება, რა საკითხების ხაზგასმას მოინდომებს.

  • მოგვიყევით თქვენს შესახებ – ბევრი ორგანიზაცია/პროგრამა იწყებს გასაუბრებას ამ ბანალური კითხვით. აქ 1-2 წუთში უნდა მოახერხოთ საკუთარი თავის ეფექტურად წარმოჩენა, ძირითადი მიღწევების ხაზგასმა განათლებისა და პროფესიული განვითარების მიმართულებებით. თუ ეს სამაგისტრო პროგრამაა, არ ღირს სასკოლო გამოცდილების ხსენება (თუ ეს არ არის იმ პერიოდში დაწყებული გრძელვადიანი პროექტი, ან პირდაპირ დაკავშირებული კონკრეტულ პროგრამასთან). შეგიძლიათ ახსენოთ სამოხალისეო გამოცდილება, საკუთარი ინიციატივა, პირადი ისტორია – თუ კონკრეტულ სფეროსთან არის დაკავშირებული.
  • რატომ კონკრეტულად ეს პროგრამა და/ან ეს უნივერსიტეტი? რამ მოახდინა გავლენა თქვენს გადაწყვეტილებაზე? წარმოადგინეთ არგუმენტები და კონკრეტული მიზეზები.
  • კვლევითი პროგრამი შემთხვევაში: -რა კონკრეტულ პროექტზე გსურთ მუშაობა? რა საკითხს გამოიკვლევთ? რა კვლევით მეთოდებს გამოიყენებთ? ვისთან გსურთ მუშაობა? (აქ იგულისხმება კონკრეტული მკვლევარი/პროფესორი, რომელიც მუშაობს ამ უნივერსიტეტისთვის ან პროგრამისთვის).
  • ბოლოს რა წიგნი წაიკითხეთ? მერე რა, რომ მსოფლიო კლასიკოსები შეიძლება გქონეთ წაკითხული. ამ შემთხვევაში უნდა დაასახელოთ აკადემიური გამოცემა თქვენს მიერ არჩეულ სფეროში.
  • ამ სფეროში რომელ ავტორებს იცნობთ? უნდა ახსენოთ ისევ პროფესიასთან დაკავშირებული პუბლიკაციები და ავტორები.
  • თქვენი განათლებისა და სამუშაო ისტორიიდან გამომდინარე კონკრეტული კითხვები: – ამჟამად სად მუშაობთ? რა შედის თქვენს მოვალეობებში? რა ინიციატივები გაქვთ განხორციელებული? რამდენი ხანია რაც მანდ მუშაობთ და რა მოგწონთ ან არ მოგწონთ თქვენს სამუშაოში? რა არის ყველაზე დიდი გამოწვევა? ბოლოს რა პროექტი განახორციელეთ? გყავთ თუ არა ადგილობრივი ან საერთაშორისო პარტნიორები? არასამთავრობო ორგანიზაციის შემთხვევაში – რომელი დონორებისგან გაქვთ დაფინანსება მიღებული? ასევე – დეტალები კონკრეტული პროექტის/ინიციატივის შესახებ: ვინ მონაწილეობდა? რამდენი ადამიანი? რა შედეგებს მიაღწიეთ? რა პრობლემებს ხედავ და შენი აზრით, როგორ შეიძლება მათი ეფექტურად მოგვარება?

საყურადღებო დეტალები (არსებობის შემთხვევაში):

  • ახსენეთ ლიდერობის გამოცდილება – მაგალთად, საკუთარი ინიციატივით განხორციელებული კონკრეტული ღონისძიება, იქნება ეს ერთჯერადი თუ გრძელვადიანი პროგრამა. ან როგორ მიიღეთ მონაწილეობა მნიშვნელოვანი პროგრამის ჩამოყალიბებაში/განხორციელებაში.
  • ახსენეთ პარტიორობა და თანამშრომლობა სფეროს ექსპერტებთან, ორგანიზაციებთან.
  • დაანახეთ მომავლის კონკრეტული ხედვა და ცვლილებისათვის მზაობა – რა გურთ აკეთოთ საშუალოვადიან და გრძელვადიან პერსპექტივაში.

წარმატებას გისურვებთ.

გამგზავრებამდე საჭირო ინფორმაცია


Scholarship საზღვარგარეთ სასწავლებლად გამგზავრებამდე მთელი რიგი ინფორმაციის მოძიებაა აუცილებელი. ზარმაცი ადამიანის ლოგიკა – “ჩავალ და ადგილზე გავარკვევ” – ამ შემთხვევაში უნდა დაივიწყოთ: ჩასვლის შემდეგ ისედაც ბევრი მოსაგვარებელი დეტალი გამოხტება, ასევე შეიძლება იყოს კულტურული შოკი, ათასი ნამდვილი და მოგონილი მიზეზი, რომელიც საქმის კეთებაში ხელს შეგიშლით. როდესაც არსებობს ინტერნეტი, სავსებით შესაძლებელია მაქსიმალური ინფორმაციის მოძიება და გარკვევა რიგი მნიშვნელოვანი საკითხების შესახებ. კერძოდ:  Continue reading

სერვიზი/სერვისი


ბოლო დროს რამდენჯერმე ძალიან მძიმედ მომხვდა თვალში (და ყურშიც) “სერვიზი”.

“უფასოდ მიტანის სერვიზი ხომ არ აქვთ?” – კითხულობდნენ ონალინ მომხმარებლები. პირველად მექანიკურ შეცდომას დავაბრალე, მაგრამ როდესაც ზედიზედ მერამდენიღაცაჯერ “შემომესერვიზა”, მივხვდი, რომ ერის გარკვეულ ნაწილს ამ საკითხში ძალიან უჭირს.

“სერვისსა” და “სერვიზს” შორის არსებითი განსხვავებებია.

ასევე არის ჩაის, ყავის, ათასი სხვა რამის სერვიზები. უცხო სიტყვათა განმართებითი ლექსიკონის მიხედვით, სერვიზი არის

სადილის ან ჩაის ჭურჭლის მთელი კომპლექტი ადამიანთა გარკვეული რაოდენობისათვის.

ეს არის ესოდენ პოპულარული (მადონას) სერვიზი:

რაც შეეხება სერვისს, ამავე ლექსიკონის მიხედვით, ეს არის:

E. service სამსახური
1. მოსახლეობის საყოფაცხოვრებო მომსახურება.
2.სპორტ. ჩოგბურთში, ფრენბურთში და სხვ.: დარტყმა, რომლითაც მოთამაშეს ბურთი შეჰყავს თამაშში; მიწოდება.

სერვისების მაგალითებია: სამედიცინო მომსახურების გაწევა, კონსულტაციები, თუნდაც ნივთის ადგილამდე მიტანა და ა.შ.

ყოველ შემთხვევაში დაიმახსოვრეთ, რა იცით რა სიტუციაში გამოგადგეთ. ხშირად პატარა ცოდნასაც დიდი სარგებლობა მოაქვს. 😉

წარმატებული CV-ის შედგენის სტრატეგიები


 CV-ის შედგენა ერთგვარი გამოყენებითი ხელოვნებაა, რომლის გარეშეც შეუძლებელია სამუშაოს დაწყება. არასწორად შევსებული ან გაგზავნილი CV შეიძლება წარუმატებლობის ერთ-ერთი ძირითადი მიზეზი გახდეს. მნიშვნელოვანია როგორც მისი ვიზუალური, ასევე შინაარსობრივი მხარე. აქ მოცემული რეკომენდაციები დაფუძნებულია პრაქტიკაზე: ძალიან ბევრი CV-ის დათვალიერებისა და გადარჩევის შედეგად. გამოიყენეთ და გააუმჯობესეთ თქვენი შანსები.  Continue reading

3-დან 8-მდე. I. წარმატებული ქალი


გაზაფხულია, ყვავილებია, საჩუქრების და ხმამაღალი  სადღეგრძელოების დრო მოდის. 3 მარტი – დედის დღე და 8 მარტი – ქალთა საერთაშორისო დღეა, თითქოს გვეზეიმება. ეს ფორმალური დღესასწაულებია, წელიწადში მხოლოდ 2 დღე. მაგრამ იმ პრობლემებს ვერ ჩქმალავს, რომლის წინაშე ყოველდღიურად დგანან ქალები – ვიღაცის დედები, დები, ცოლები, მიუხედავად მათი ასაკისა და სოციალური სტატუსისა.

3-დაბ 8 მარტამდე პერიოდში ბლოგზე რამდენიმე პოსტს დავდებ, რომელშიც ქალთა საკითხებს შევეხები.

გამოვიჩინოთ ქალური სოლიდარობა და გავუზიაროთ ერთმანეთს გამოცდილება, აზრები, ისტორიები… მაშ ასე.

თავი I. წარმატებული ქალი – ჯოან როულინგი

ჯოან როულინგი

ჯოან როულინგი 1965 წლის 31 ივლისს დაიბადა. 1986 წელს დაამთავრა ექსეტერის უნივერსიტეტი.

წერა ადრეული ასაკიდანვე დაიწყო. გამოსცადა გაჭირვება, მარტოხელა დედობა. “ჰარი პოტერმა” საყოველთაო აღიარება და სიმდიდრე მოუტანა. წიგნი, რომლის პირველი ნაწილიც ძველ საბეჭდ მანქანაზე დაწერა, მსოფლიო ბესტსელერად იქცა. უზარმაზარი ფინანსური მოგების შემდეგ ჯოან როულინგი აქტიურად ჩაერთო საქველმოქმედო საქმიანობაშჲ. იგი ყოველწლიურად 5 მილიონ ფuნტზე მეტს ხარჯავს სიღარიბის დააძლევად, მარტოხელა მშობლების დასახმარებლად. იგი მრავალმხრივ მისაბაძი მაგალითია. მიუხედავად გაჭირვებისა, პირადი ტრაგედიების (დედის გარდაცვალება,პირველი უიღბლო ქორწინება), მაინც მოახერხა ფეხზე დადგომა და წარმატების მღწევა.

ჯოან როულინგის ისტორია გვიჩვენებს, რომ სასწაულები ხდება, ცხოვრება იცვლება. რომ ქალი შეიძლება იყოს ერთდროულად დედაც, ცოლიც, პროფესიონალიც და ცვლილებების მომტანიც.

მის მიერ შექმნილმა ჯადოსნობითა და სასწაულებით სავსე სამყარომ (რომელიც ბებიის ზღაპრებში თვლემდა), ახალი ელვარებით გაიღვიძა და ბავშვები წიგნებს დაუბრუნა.

თუ ვინმეს წარმატებული და ბრწყინვალე ქალის მაგალითი დაგჭირდეთ, დაუფიქრებლად დაასახელეთ ჯოან როულინგი. იგი იმსახურებს ამას.

გილოცავთ დედის დღეს. გისურვებთ დასახული მიზნების მიღწევას და ბევრ, ძალიან ბევრ წარმატებას.

პ.ს. სანამ როულინგზე შევაჩერებრი არჩევანს, ძალიან ბევრი ვიფიქრე გვყავდა თუ არა საქართველოში ასეთი ბრწყინვალე ქალები – ოჯახის დედები და რეალიზებული პროფესიონალები. არავინ გამახსენდა… ნუთუ ჩვენთან ქალს არ აქვს წარმატების შანსი?

წარმატების ფორმულა


ყურადღება პროვოკაციული სათაურით მიიქცია. ჩავრთე და არც მინანია: ერთი პატარა (ინგლისურენოვანი) ვიდეოა, რომელიც წარმატების რამდენიმე მარტივ ფორმულას გასწავლის. უყურეთ და… როგორ ფიქრობთ, ის რასაც ვიდეოს ავტორი გვთავაზობს, საკმარისია წარმატების მისაღწევად?