წარმატებული CV-ის შედგენის სტრატეგიები


 CV-ის შედგენა ერთგვარი გამოყენებითი ხელოვნებაა, რომლის გარეშეც შეუძლებელია სამუშაოს დაწყება. არასწორად შევსებული ან გაგზავნილი CV შეიძლება წარუმატებლობის ერთ-ერთი ძირითადი მიზეზი გახდეს. მნიშვნელოვანია როგორც მისი ვიზუალური, ასევე შინაარსობრივი მხარე. აქ მოცემული რეკომენდაციები დაფუძნებულია პრაქტიკაზე: ძალიან ბევრი CV-ის დათვალიერებისა და გადარჩევის შედეგად. გამოიყენეთ და გააუმჯობესეთ თქვენი შანსები.  Continue reading

როგორ გადავჭრათ კადრების დეფიციტი


ბევრ კომპანიას კადრების დეფიციტი აქვს: დასაქმების საიტზე გაუთავებლად ეძებენ გაყიდვების აგენტებს. გააჩნიათ ჩამოწიკწიკებული მოთხოვნათა ნუსხა:

1. უნდა იყოს ახალგაზრდა

2. იცოდეს სულ მცირე 2 უცხო ენა

3. იყოს მიზანდასახული

4. იყოს კომუნიკაბელური

5. კარგი გარეგნობა (და ალბათ ცუდი ხასიათი 😀 იმიტომ რომ ულამაზო ქალზე ყოველთვის ამბობენ – სამაგიეროდ კარგი ხასიათი აქვსო 🙂 )

6. უმაღლესი განათლება

7. სამუშაო გამოცდილება

არის კიდევ რაღც წვრილმანები, რაზეც ყურადღების მიქცევა ამ შემთხვევაში არ ღირს.

მიმდინარეობს რთული სააპლიკაციო პროცესი, “ღირსებული კანდიდატების” შერჩევა და გადარჩევა, უანრების ტესტები, ინტერვიუები (ზოგჯერ ორმაგიც) და ა.შ. შედეგად კი რამდენიმე კვირაში იგივე კომპანიის იგივე პოზიციაზე ზუსტად იგივე განცხადება ქვეყნდება!

რა არის ამის მიზეზი? ის, ხომ არა რომ “ვეფხისტყაოსანის” მენტალიტეტს შეჩვეულ ქართველობას ვაჭრობა ეთაკილება? ანდა ახალგაზრდების სამართლიანი აღშფოთება – რომ ახლად უნივერსიტეტდამთავრებულს შეუძლებელია ასეთი მაღალი მოთხოვნები წაუყენო? აქ იგულისხმება, რომ ადამიანს, რომელიც მთელი ცხოვრება სწავლობს, ვერ ექნება 3-4 წლიანი გამოცდილება რაღაც კონკრეტულ სფეროში, მით უმეტეს საშუალო დონის თანამდებობაზე მუშაობისა. ან იქნებ წარუმატებელი საკადრო პოლიტიკა, ადამიანური რესურსების სპეციალისტების არაკვალიფიციურობა გამოვიყვანოთ განტევების ვაცად?

კიდევ ერთხელ გადავხედოთ მოთხოვნებს:

– საუნივერსიტეტო განათლება გაყიდვებში აუცილებელი არ არის. აქ მთავარია კომუნიკაბელურობა, დამაჯერებლობა, პრეზენტაციის უნარი. რომ კლიენტი დაარწმუნო პროდუქტის/მომსახურების ხარისხში და აიძულო მისი ყიდვა. უმაღლესდამთავრებული გოგო-ბიჭები ხშირად შემინიშნავს მეტროებში მობილური ოპერატორების საცალო გაყიდვების ობიექტებზე. დგანან გაუნძრევლად, პირზე ზეთი ჩამოსდით… რომც გინდოდეს კითხვის დასმა, შეიძლება მათი შეხედვისას გადაიფიქრო… ეს მოღუშული სახეები მყიდველს აფრთხობს! დაუმატე ამას არაკომპეტენტურობა, დაზუთხული და მოკლე პასუხები, ჩაკეტილი და მოუქნელი აზროვნება…. ნომრების გამყიდველები ერთი მაგალითია, მათ გარდა კიდევ ბევრია ისეთი, რომლებსაც აგენტისათვის აუცილებელი თვისებები აკლიათ: სიცოცხლე, თავდაჯერება, კომუნიკაბელურობა, რაც მთავარია – მიზანმიმართულება.

მე რომ მჭირდებოდეს კადრი გაყიდვებში, მსგავსი მონაცემების ადამიანს არამცდაარამც არ ავიყვანდი!

აბა სად შეიძლება მოვძებნოთ ეფექტური გაყიდვების აგენტი?

– ქუჩაში!

გაგიკვირდათ? არადა ქუჩიდან რამდენი სარგებლის მიღება შეიძლება… რუსთაველზე გავლისას რას ხედავთ? უამრავი მანქანის, შავებში ჩაცმული ახალგაზრდების გარდა ვინ დადიან? აჰ, მზესუმზირის გამყიდველი ბებოებიც შეამჩნიე? … ძალიან კარგი, მაგრამ კიდევ უფრო ყურადღებით უნდა მიმოიხედო რომ სასურველი კადრი შენიშნო. ისევ თუ ვერ მიხვდი, საიდუმლოდ გაგიმხელ:

– მათხოვარ გოგო-ბიჭებს ვგულისხმობ!

ეს ხუმრობა არ არის. დაბანე, ნორმალური ტანსაცმლით შემოსე და საკმაოდ სიმპათიურ ახალგაზრდებს (ან ბავშვებს) მიიღებ.

კომუნიკაცია რომ ეხერხებათ, ამაში ალბათ დარწმუნებული ბრძანდები, ჩემო მკითხველო. უშუალო და თავისუფლები არიან, საჭიროების შემთხვევაში ლაპარაკსაც გაგიბამენ…. მათი უხეში მიმართვები გახსოვს? ეს გამოცდილებიდან გამომდინარეა: როგორც ექცევი იმასვე გიბრუნებენ.

მიზანმიმართულება – ჰეჰეეეე, როგორი გადაკიდება იციან. თუ 10 თეთრის გამოსაცინცლად 1-3 წუთს ხარჯავენ (და სანამ თავისას არ გაიტანენ არ გეშვებიან) წარმოიდგინე ნორმალური შემოსავლის შეთავაზების შემთხვევაში როგორ მოინდომებენ.

უცხო ენები – ქუჩის ბავშვები მეტყველებენ ქართულად, რუსულად, კიდევ თავის ენაზე (ალბათ ბოშური)… ყოველ შემთხვევაში სიტყვების იმდენი მარაგი აქვთ, რამდენიც საქმეს სჭირდება. შეუქმენით მოტივაცია და აითვისებენ სხვასაც.

უმაღლესი განათლება – სრულიად უსარგებლო რამ გაყიდვების აგენტებისთვის. ბევრი დიპლომიანი ხდება “ბუზო უკან ნუ მომდევ” ტიპი და როგორ იკადრებს ზედმეტად გარჯას ასეთი “ელემენტარული” სამუშაოსთვის! ქუჩის ბავშვები გაუნათლებლები არიან არა იმის გამო, რომ ეზარებათ ან არ უნდათ; არამედ  ამის შესაძლებელობა არასოდეს ჰქონიათ. ერთ-ერთ პოსტშიც შევეხე მათ პრობლემებს: უმეტესობას დოკუმენტები არ გააჩნია, უკიდურეს გაჭირვებაში ცხოვრობენ. როცა ადამიანს ელემენტარული საჭიროებების დასაკმაყოფილებლად უხდება ბრძოლა, ის მაღალ მატერიებზე ვერ იფიქრებს. მიეცით ამ ბავშვებს განათლება და მიიღებთ წარმატებულ ბიზნესმენებს!

მოდი ნუ ვიკამათებთ იმაზე, თუ ვინ არის ქუჩის ბავშვების უმუშევრობა-უპატრონობაში დამნაშავე: სახელმწიფო თუ საზოგადოება. უბრალოდ მივიღოთ ფაქტები: არის მოთხოვნა, არის მისი დაკმაყოფილებისთვის საჭირო რესურსები. რატომ არ შეიძლება მათი ეფექტურად გამოყენება?… რა გვიშლის ხელს – სურვილის არქონა თუ…. სტერეოტიპები?

რათა, რათა, რათა?!


jobs.ge-ზე ვათვალიერებ ვაკანსიებს. მაინტერესებს რას სთავაზობენ დამსაქმებლები უმუშევართა არმიას. ყველაზე პოპულარული ვაკანსიების არასრული ჩამონათვალი ასე გამოიყურება:

დიდ კაცთან პატარა კაცსა...

– გაყიდვების მენეჯერი
– გაყიდვების აგენტი
– მოლარე-ოპერატორი
– ოფისის მენეჯერი
– პრომო-გოგონა
– კონსულტანტ-გამყიდველი
– ბუღალტერი
– სესხის ოფიცერი
– იურისტი
– მასწავლებელი
– სტაჟიორი
– დისტრიბუტორი
– სავაჭრო წარმომადგენელი
– პროექტის მენეჯერი/ოფიცერი
– მდივან-რეფერეანტი
– ტრენერი
– კონდიტერი
– პროგრამისტი
– ინკასატორი
– პიარ მენეჯერი
– ფარმაცევტი
– გიდი/ტურ-ოპერატორი

განცხადებების უმეტესობა არაკვალიფიციური სამუშაოსთვისაა განკუთვნილი. როგორც ჩანს, აღარ არის ინჟინრების, კონსტრუქტორების, მეფოლადეების, გეოლოგების, ასტრონომების, ფიზიკოსების, კოსმონავტების ადგილები. თანაც, ერთი შეხედვით ამ უბრალო პოზიციებზე ისეთი მოთხოვნებია, წესიერ და პატიოსან ადამიანს ნაღველი ჩაგექცევა:
– უნივერსიტეტის დიპლომი (სასურველია მაგისტრატურა)
– უცხო ენის ცოდნა (მინიმალურ დონეზე, მაგრამ საქმე საქმეზე რომ მიდგება, სერთიფიკატებსაც ნაგლად მოგთხოვენ).
– კომუნიკაბელურობა
– უნდა იყო 20 წლის, 23 წლის სამუშაო გამოცდილებით
– გქონდეს გასაგიჟებელი გარეგნობა და გულისგამხეთქავი CV
– ზოგჯერ გთხოვენ მართვის მოწმობას და მასთან ერთად საკუთარ ავტომანქანას
– ზოგჯერ – საგარანტიო თანხას – 2000 ლარი საბანკო ანგარიშზე
– სპეციალური პროგრამების ცოდნას, მაგალითად ამადეუსი – ტუროპერატორებისათვის
– გუნდური მუშაობა და ა.შ.

ამ მარაზმების გაგრელება უსასრულოდ შეიძლება. არ თქვათ ახლა, ეს მარაზმი კი არა ჩვეულებრივი მოთხოვნებიაო,. ჩვეულებრივი და სამართლიანი მოთხოვნა მაშინ იქნებოდა, თუ დამსაქმებელი ადეკვატურ სამუშაო პირობებსა და შესაბამის ანაზღაურებას შესთავაზებდა პოტენციურ მუშაკებს. მგავსი ვაკანსიების უმეტესობისთვის განსაზღვრული ხელფასი მერყეობს 300-დან 400 ლარამდე! და ეს მაშინ, როდესაც უკიდურესად დამამცირებელი სამუშაო გარემოა! ამის შესახებ ერთი პოსტი ადრეც დავწერე! მაგრამ რა? რაც დრო გადის, უფროდაუფრო მეტად უარესდება დამსაქმებლის მიერ შეთავაზებული სამუშაო პირობები.

– რას აკეთებენ იურისტები საკუთარი ჯიბის გასქელების გარდა? არ არსებობს ერთი-ორი კარგი ადვოკატი, რომელიც სოციალური უფლებების შესახებ მუშაობს, რომ საკანონმდებლო ინიციატივით გამოვიდნენ, ან სხვა სახის საგანმანათლებლო საქმიანობა, კამპანია, აქცია ჩაატარონ?
– რას აკეთებენ პროფკავშირები საპირველმაისოდ წითელი დროშის ფრიალის გარდა?
– რას აკეთებს ხალხი, რომელსაც ფაქტიურად ექსპლუატაციას უწევს საზოგადოების ფულიანი და გაქსუებული ნაწილი?

ღორის ტილი ფეხზე დაისვი, თავზე აგაცოცდებაო. მაგრამ როდესაც ეს ტილები მეტისმეტად შემოგესევიან, ბოლოსდაბოლოს უნდა გაანძრიო ხელი და მისი საწინაარმდეგო წამალი იყიდო! ანდა თავი გადაიპარსო, რომ სამუდამოდ მოიშორო ანტისანიტარიის ბუდე!
მხოლოდ გაჭირვების ბრალი არ არის რომ დილის 9-დან საღამოს 12-მდე ამუშავებენ ადამიანების უმეტესობას, მათ კი პროტესტის გრძნობაც კი არ უჩნდებათ!
არც იმის, რომ საკუთარი უფლებები არ იციან!
არც იმის, რომ “სასამართლო კორუმპირებულია და მაინც არ გამოიტანს სწორ განაჩენს”!!!
ვის უცდია გაესაჩივრებინა დამამცირებელი სამუშაო პირობები?!
ან სახალხოდ ჭკუა ესწავლებინა ასეთი ორგანიზაციისათვის?!
რატომ არ უთმობენ მედია-საშუალებები სათანადო ყურადღებას შრომითი ურთიერთობების რეგულირებას? თვითმკვლელობებზე, ავაზაკობებზე მეტად მნიშვნელოვანი ხომ სტაბილური ყოველთვიური შემოსავალია. ხშირ შემთხვევაში სწორედ უმუშევრობა უბიძგებს ადამიანს კანონსაწინაარმდეგო ქმედებებისაკენ.
როგორ ფიქრობთ, შესაძლებელია რამის შეცვლა? როგორ?

ოღონდ, თქვენი ჭირიმე, “ასეთ ქვეყანაში ვცხოვრობთ და სხვა გზა არ გვაქვს”-ის მსგავსი ტიპის დეპრესიულ ტექსტებს თავი აარიდეთ.
იფიქრეთ პოზიტიურად – რაში მდგომარეობს პრობლემა და როგორ შეიძლება მისი გამოსწორება.
უნივერსიტეტის დამთავრების შემდეგ იმუშავებ 300-ლარიან ანაზღაურებაზე სრული განაკვეთით, ზემოთჩამოთვლილ პოზიციებზე? იმის გათვალისწინებით, რომ დიპლომირებული საერთაშორისო ურთიერთობების სპეციალისტი, ინჟინერი, ბიოლოგი, არქიტექტორი იქნები?

დიდი მოსაქმება


სადამდე შეიძლება მივიდეს დამსაქმებლის თავხედობა? რამდენის უფლება უნდა მისცეს თავს და რა ზომამდე შეიძლება დაამციროს სამუშაოს მაძიებელი?
თუ გაინტერესებთ, შედით ჯობს.გე-ზე და ნახეთ iPhone+ის მიერ გამოცხადებული ვაკანსია კონსულტანტისა და მოლარის თანამდებობზე. ისეთი ტონით წერენ სამუშაო წინაპირობებს თითქოს – აიიიი, ნახეთ ჩვენ რა მაგრები ვართ და აქ მუშაობა ვისაც გინდათ მაგარი ბანძები ხაართო, გაყვედრიან სამუშაო ადგილს ფაქტიურად!!!

მოთხოვნები:

** უმაღლესი განათლება,
** ასაკი: 21-27 წლის,
** სასიამოვნო გარეგნობა,
** კომუნიკაბელური, პუნქტუალური, შრომისმოყვარე, საქმეზე ორიენტირებული,
** სასურველია გამოცდილება გაყიდვების სფეროში და სარეკომენდაციო წერილები; სხვა შემთხვევაში შეიძლება იყოს გამოუცდელიც, თუ მონდომებულია
** უცხო ენების ცოდნა: ინგლისური და რუსული სასაუბრო დონეზე,
** გუნდური მუშაობის უნარი,
** კომპიუტერის ცოდნა.
** არამწეველი.

არ მიიღებიან მწეველები, სტაჟიორები ბანკებში, შემცირებებში მოყოლილები, 10 ადგილას ნამყოფი სტაჟიორები, რომლებიც ერთგანაც კი არ გამოდგნენ.

რა უნდა ვთქვა ამ უკანასკნელი სტრიქონის დამწერზე? სოფლის ბირჟაცეც კი, სადაც სიმართლეს პირდაპირ პირში გახლიან, ასე უბოდიშოდ, უტაქტოდ არავინ გეტყვის რომ უვარგისი ხარ. ამის ავტორს კი, განათლებასთან ერთად, ვიტყოდი რომ აღზრდაც აკლია. სერიოზულობის პრეტენზიის მქონე ორგანიზაცია მსგავს იდიოტობას არ უნდა აქვეყნებდეს სახალხოდ, თუნდაც მართლა ასე ფიქრობდეს.

კიდევ იმასაც დავამატებდი, რომ ეს კაცი თუ ქალი ცხოვრების აზრზე არ არის. ალბათ არ ესმის რა რულია მუდმივი სამუშაოს მიღება, ან რას ნიშნავს მოულოდნელი გათავისუფლება. თუ ასეა, ვუსურვებ რომ რაც შეიძლება მალე გამოსცადოს, მერე ასე ხეპრულად მაინც აღარაფერს გამოაქვეყნებს! მოკლედ, ამის დამწერი თვითონაა აბსოლუტურად უვარგისი, უვიცი და დეგენერატი! შედავება არც გაბედოთ, ჩაიკითხეთ განცხადება ბოლოდე და თავად დარწმუდებით: იგი სავსეა მსგავსი “მარგალიტებით”:

გაითვალისწინეთ, რომ CV ფოტოსურათის გარეშე არ განიხილება. ასევე არ განიხილება 2 CV-ზე მეტის გამომგზავნი (ზოგი აგზავნის 20-30 ერთ და იმავე CV-ს)

რა საჭიროა რაოდენობრივი ლიმიტის დაწესება? საერთოდ არ მაინტერესებს ვინ რამდენ CV-ს აგზავნის. საკადრო პოლიტიკა ქუჩის ბაზარი არ არის, ყველაფერზე ღიად რომ დაწეროს. შერჩევის კრიტერიუმად CV გაგზავნის სიხშირის არჩევა სად ნახა, რომელ სახელმძღვანელოში წაიკითხა, ნეტა გამაგებინოს. პრაქტიკაში არ მქონია 2-ჯერ ზედიზედ CV-ის მიღება. ეგ უბედური ასეთ რა გატიალებულ ორგანიზაციაში მუშაობდა ადრე რომ 20-30-მდე იღებდა? ვაი, ვაი და კიდევ ოთხმოცჯერ ვაი!!!

3. ასევე გვესაჭიროება 2 მოლარე ოპერატორი, იგივე მოთხოვნებით, რაც კონსულტანტზეა, დამატებული კომპიუტერის და საოფისე პროგრამების კარგად ცოდნა.

დამატებული ყავის მოდუღება და უფროსის ტრაკის ლოკვაც რომ მიეწერა არაფერი დაშავდებოდა, რას იტყვით?
დაეზარა მოთხოვნების დაკოპირება და ქვედა ხაზზე ერთის დამატება? მიდი და იმუშავე ასეთის ზედამხედველობის ქვეშ!!! ფუი!!!

4. და გვესაჭიროება 2 პროგრამული სპეციალისტი, “ეპლის” პროდუქციის დასაპროგრამებლად.

ღმერთო, ალბათ არ იცის რომ ლათინური ასო-ნიშნებიც არსებობს და “ეპლის” დაწერა მისი ავორის გონებაშეზღუდულობას უფრო აჩვენებს, ვიდრე “პროგრესულობას” ან “პროდასავლურობას”.

<<იყოს მონდომებული, არაზარმაცი და არაზანტი; უნდა იყოს ცოცხალი და უყვარდეს მუშაობა. ასაკი: 19-28 წელი. დანარჩენი მოთხოვნები იგივე, რაც ზემოთაა.>>

ამის დამწერი უნდა დაიჭირო და იძულებით ჩაუტარო ქართული ენისა და ლიტერატურის გაკვეთილები! ნეტა რომელმა მასწავლებელმა დააზუთხინა “არაზარმაცი”, და “არაზანტი”?  ეტყობა დასავლური განათლების პრეტენზია აქვს ვიღაცას და თავში ძალიან აუვარდა. რას ვიზამთ, ხდება ხოლმე, მაგრამ ამან სხვები არ უნდა დააზარალოს! ლექსიკონში მაინც ჩაიხედოს, ან სხვა დამსაქმებლების განცხადებები ნახოს, მაგალითის ასაღებად… ეჰ კი არა, სამგზის ტFუი და კიდევ ბევრგზის!!!

სამუშაო პირობებიც ხომ გაინტერესებთ?  ვირულად უნდა იმუშაო მათხოვრული ხელფასის ასაღებად!

სამუშაო საათები: 10:00-დან 21:00 საათამდე, კვირაში 6 დღე, ნახევარ საათიანი შესვენება დღის განმავლობაში.
ანაზღაურება: 10 ლარი მოჭრილი დღეში, პლუს პროცენტები. საშუალო ანაზღაურება: დღიური 15-25 ლარი (ზოგჯერ მეტი).

“გაბლატავდნენ” კიდევ მსუბუქი ნათქვამია, პირდაპირ თავზე ასაქმებენ დასასაქმებელ ადამიანს, ამ სიტყვის ყველაზე ბინძური და მყრალი გაგებით!!!

ათასი წლის უმუშევარიც რომ ვიყო, მხოლოდ იმის გამო არ გავაგზავნიდი ჩემს მონაცემებს ამ მისამართზე! იმიტომ რომ ძალიან შეურაცხმყოფელი განცხადებაა. პირდაპირ გეუბნება, უვარგისი ხარ და თავს ნუ შეიწუხებო. ქვეყანაში, სადაც უმუშევრობის დონე უკიდურესად მაღალია და ძააალიან ძნელია მაღალანაზღაურებადი კი არა, ნებისმიერი მუდმივი სახის სამუშაოს მიღება, მსგავსი განცხადებები ათასწილად ამაზრზენია!!! ნორმალურ ქვეყანაში, სულ მცირე, სასამართლოში უნდა უჩიოდნენ და იგებდნენ პროცესებს, მაგრამ ჩვენთან???…