სტიპენდიების კატალოგი. ნაწილი 2


კატალოგის მეორე ნაწილი მოიცავს ინფორმაციას (ძირითადად) ევროპაში არსებული სტიპენდიების შესახებ. კატალოგში ინფორმაციის დამატება ან შეცვლა აღარ მოხდება. თუ დროთა განმავლობაში რომელიმე ლინკი აღარ იმუშავებს, დაგუგლეთ სტიპენდიის სახელი და ამგვარად გადადით მის დეტალებზე. წარმატებას გისურვებთ.

სარჩევი:

  1. The University of Melbourne, Graduate Research Scholarships (კვლევითი მაგისტრატურა ან დოქტორანტურა. ავსტრალია)
  2. თურქეთის მთავრობის სტიპენდიები
  3. MALAYSIAN INTERNATIONAL SCHOLARSHIP (MIS) (მაგისტრატურა, დოქტორანტურა. მალაიზია)
  4. Visby Programme scholarships for master’s level studies (შვედეთი)
  5. სლოვაკეთის მთავრობის სტიპენდია (დოქტორანტურის სტუდენტები, არტისტები, უნივერსიტეტის ლექტორები, მკვლევარები. სლოვაკეთი)
  6. საერთაშორისო საპარლამენტო სტიპენდია ბუნდესტაგში (გერმანია)
  7. ესტონეთის დიპლომატიური სკოლა
  8. განათლების საერთაშორისო ცენტრის მიერ ადმინისტრირებული სასტიპენდიო პროგრამები (სამაგისტრო, სადოქტორო, სახელოვნებო, კვალიფიკაციის ამაღლება, ფულბრაიტი, მაგისტრატურა საფრანგეთში, უნგრეთში)
  9. Monash International Merit Scholarship (ავსტრალია)
  10. ბოლონიის უნივერსიტეტის სტიპენდიები საერთაშორისო სტუნდენტებისთვის (იტალია)
  11. ბმულები სხვადასხვა სასტიპენდიო პროგრამებზე (ეიფელის სტიპენდია საფრანგეთში, როტარის სტიპენდიები სხვადასხვა ქვეყნებში, აირექსი და სხვა სასარგებლო საიტები).

The University of Melbourne, Graduate Research Scholarships

მელბურნის უნივერსიტეტი გასცემს სტიპენდიებს სტუდენტებისთვის, რომლებიც სწავლობენ კვლევით მაგისტრატურაზე (Masters by Research) ან დოქტორანტურაზე.

სტიპენდია აფინანსებს სწავლის გადასახადს და საცხოვრებელ ხარჯებს.

განაცხადის შეტანის დედლაინი: 31 ოქტომბერი.

დამატებითი ინფორმაციისათვის ეწვიეთ უნივერსიტეტის ოფიციალურ ვებგვერდს.

სწავლა ბრიტანეთში – სავიზო პროცედურები


დიდი ბრიტანეთის სტუდენტური (და სხვა ტიპის) ვიზისათვის საბუთების ჩაბარება ხდება თბილისში, ბესიკის ქ. #4-ში მდებარე UK Visa Application Center-ში. საბუთები გადაწყვეტილების მისაღებად იგზავნება თურქეთში, ქ. სტამბულში არსებულ ბრიტანეთის საკონსულოში. განსახილველად და პასუხისათვის საჭიროა საშუალოდ 15 სამუშაო დღე. სტუდენტური ვიზისათვის ავსებთ tier 4 განაცხადს.

რა გჭირდებათ ბრიტანეთის სტუდენტური ვიზის მისაღებად?

  • აუცილებლად უნდა აკმაყოფილებდეთ ინგლისური ენის ცოდნის კრიტერიუმებს
  • სავიზო განაცხადის შევსებამდე მიღებული გქონდეთ ე.წ. CAS (Confirmation of Acceptance of Study), რომელსაც გასცემს სასწავლებელი უპირობო ჩარიცხვის (unconditional Offer) შემთხვევაში. CAS ნომერის გარეშე შეუძლებელია სავიზო განაცხადის შევსება. CAS მისაღებად შეფასება ხდება 40-ქულიანი სისტემით, სადაც 30 ქულა მოდის ფინანსურ მხარეზე (გაქვთ თუ არა საკმარისი თანხა კურსის გადასახადისა და საცხოვრებლისთვის), 10 ქულა – მოტივაციასა და მზაობაზე ამ კურსის გასავლელად. CAS გაცემა ხდება სწავლის დაწყებამდე 3 თვით ადრე.

განათლების საერთაშორისო ცენტრის სტიპენდია საზღვარგარეთ სწავლისათვის


განათლების საერთაშორისო ცენტრი სამთავრობო ინსტიტუტია, რომელიც გასცემს საქართველოს მოქალაქეებისთვის სრულ ან ნაწილობრივ დაფინანსებას საზღვარგარეთ სასწავლებლად სამაგისტრო და სადოქტორო პროგრამებზე, ასევე ახორციელებს კვალიფიკაციის ამაღლებისა და რიგი სხვა სტიპენდიების ადმინისტრირებას.

მაგისტრატურის დაფინანსებისათვის საბუთების შეტანა შეუძლია 35 წლამდე საქართველოს მოქალაქეს. ცენტრის მთავარი მოთხოვნაა, რომ სწავლის დამთავრების შემდეგ სტუდენტი დაბრუნდეს საქართველოში და აქ იმუშაოს შესაბამის ორგანიზაციაში 3 წლის განმავლობაში. ასე რომ თუ ქვეყანაში დაბრუნებას არ გეგმავთ, სჯობია მას არ მიმართოთ.

სააპლიკაციო პროცესი მოიცავს 3 ეტაპს:

  • საბუთების ატვირთვა ონლაინ. ცენტრის წარმომადგენლები ამოწმებენ მათ და ხარვეზის აღმოჩენის შემთხვევაში (მაგალითად, თუ რომელიმე დოკუმენტი აკლია), ცენტრის წარმომადგენელი გიგზავნით ელექტრონულ ფოსტაზე შეტყობინებას ან გირეკავთ და გთხოვთ დადგენილ ვადაში მის გამოსწორებას.
  • მეორე ეტაპზე ხდება საბუთების შინაარსობრივი შეფასება კონკრეტული კრიტერიუმების მიხედვით. დადგენილია გამსვლელი ქულა მიმართულებების მიხედვით. შეფასების კრიტერიუმები მოიცავს შემდეგს: განათლება, გამოცდილება, მოტივაცია, სამომავლო გეგმები და განაცხადის საერთო სიძლიერე.
  • მესამე ეტაპზე ხდება გასაუბრება სტიპენდიის კანდიდატებთან. ამ შემთხვევაში კანდიდატი გადის კომისიის წინაშე, რომელიც დაახლოებით 20 წუთის განმავლობაში კითხვებს უსვამს და აფასებს შემდეგი კრიტერიუმების მიხედვით: განათლება და გამოცდილება; მოტივაცია და არგუმენტაცია; პრეზენტაბელურობა; სამომავლო გეგმები; სასტიპენდიო პროგრამის მიზნებთან კონკურსანტის შესაბამისობა.
Continue reading

გამგზავრებამდე საჭირო ინფორმაცია


Scholarship საზღვარგარეთ სასწავლებლად გამგზავრებამდე მთელი რიგი ინფორმაციის მოძიებაა აუცილებელი. ზარმაცი ადამიანის ლოგიკა – “ჩავალ და ადგილზე გავარკვევ” – ამ შემთხვევაში უნდა დაივიწყოთ: ჩასვლის შემდეგ ისედაც ბევრი მოსაგვარებელი დეტალი გამოხტება, ასევე შეიძლება იყოს კულტურული შოკი, ათასი ნამდვილი და მოგონილი მიზეზი, რომელიც საქმის კეთებაში ხელს შეგიშლით. როდესაც არსებობს ინტერნეტი, სავსებით შესაძლებელია მაქსიმალური ინფორმაციის მოძიება და გარკვევა რიგი მნიშვნელოვანი საკითხების შესახებ. კერძოდ:  Continue reading

სწავლა საზღვარგარეთ – გამგზავრებისწინა სამზადისი


Scholarshipძალიან მალე კიდევ მივდივარ სტიპენდიით საზღვარგარეთ სასწავლებლად და გამგზავრებისწინა სამზადისს რამდენიმე პოსტს მივუძღვნი. დავწერ, რისი გათვალისწინებაა რეკომენდირებული, როგორ მოემზადოთ, რა წაიღოთ და ა.შ. ეს ყველაფერი დაგეხმარებათ ეფექტურად მოემზადოთ ახალ ქვეყანაში გადასაბარგებლად.

სტიპენდიები მთლიანად ან ნაწილობრივ ფარავს შემდეგ ხარჯებს:

  • საცხოვრებელი
  • სწავლის გადასახადი
  • სტუდენტის დაზღვევა
  • ორმხრივი  ბილეთი
  • სასწავლო ვიზა

რა ხდება, როდესაც ყველა ეტაპს გაივლით და დაფინანსებას დაგიმტკიცებენ? Continue reading

IELTS გამოცდა


IELTS გამოცდის ადმინისტრირებას ახდენს ბრიტანეთის საბჭო. გამოცდისთვის რეგისტრაცია ხდება მათი ვებსაიტიდან. გამოცდის თარიღები განსაზღვრულია მთელი წლისთვის და მხოლოდ იმ კონრეტულ დღეებში შეიძლება გასვლა. რეკომენდირებულია გამოცდაზე რეგისტრაცია სასურველ თარიღამდე 5 კვირით ადრე. რაც უფრო უახლოვდება გამოცდის თარიღს, უფრო მცირდება ადგილების რაოდენობა.

IELTS გამოცდა ტარდება მხოლოდ თბილისში. თუ რეგიონში ცხოვრობთ, მოგიწევთ ჩამოსვლა. მგზავრობის ხარჯები იქნება თქვენი გადასახდელი. ერთადერთი შეღავათი, რასაც ბრიტანეთის საბჭო აკეთებს რეგიონში მცხოვრებლებისთვის, არის საუბრის სექციის იმავე დღეს დანიშვნა.  Continue reading

როდის დავიწყოთ საზღვარგარეთ სწავლისათვის მომზადება


 “საბუთების გაგზავნა ვერ მოვასწარი”, – ეს გულდაწყვეტილი ფრაზა ხშირად მომისმენია საზღვარგარეთ სწავლის მსურველებისგან. “ტესტის შედეგი დედლაინის მერე იქნება და რა ვქნა?” – კითხულობენ სხვები. “მოასწრებს უნივერსიტეტი დოკუმენტების მიღებას?” – კიდევ ვიღაც წუხს. ბევრი ვერ ხვდება სასურველ სასწავლებელში მხოლოდ იმიტომ, რომ დროულად ვერ მოასწრო ყველაფრის მომზადება.

რა დრო სჭირდება საზღვარგარეთ სწავლის დაგეგმვასა და წასვლას? ეს ხანგრძლივი პროცესია. ცდებით, თუ გგონიათ, რომ 2-3 კვირაში ყველა საბუთს გააკეთებთ და ვიზას აიღებთ. ეს არარეალური დროა. მთელ პროცესს, ხარისხიანი შედეგის მისაღწევად, საშუალოდ 12-18 თვე სჭირდება. რატომ ამდენი?  Continue reading

გაცვლითი პროგრამების უპირატესობები


რამდენიმე დღის წინ დასრულდა ერთ-ერთი ყველაზე გრძელვადიანი და ინტენსიური პროექტი, სადაც კი მონაწილეობა მიმიღია: მშვიდობისა და კონფლიქტის კონსულტანტი. თავად პროექტიდან მიღებული ცოდნა და შთაბეჭდილებები რამდენიმე პოსტის თემაა. აქ კი შეგახსენებთ იმ უპირატესობებს, რაც შეიძლება გაცვლითი პროგრამებიდან მიიღოთ:

  • პროფესიული განვითარება – ნებისმიერი პროექტიდან შეიძლება ახლის სწავლა, მნიშვნელობა არ აქვს იქნება ეს ინტენსიური აკადემიური თუ არაფორმალური განათლების პროგრამა. მაშინაც კი, თუ თქვენთვის ნაცნობ თემას ეხება, სიახლეს ყოველთვის გაიგებთ. ამ პროექტის განმავლობაში 1 საკითხის 2-ჯერ მოსმენა მომიხდა სხვადასხვა მოწვეული სტუმრისგან. თემატურად აბსოლუტურად იდენტური იყო, თუმცა გადმოცემის მეთოდები და აქცენტები განსხვავდებოდა. საბოლოო ჯამში, ორივე სესია საინტერესო და მრავლისმომცემი აღმოჩნდა.
  • რა თქმა უნდა, საერთაშორისო გამოცდილებით კარიერული წინსვლის მეტი შანსი გაქვთ! გაცვლით პროგრამებზე დასწრება ნიშნავს, რომ დაინერესებული ხართ თქვენი სპეციალობის განვითარების მიმართულებებით და შესაძლოა სხვებზე უკეთაც ერკვევით ზოგიერთ პროფესიულ საკითხში.
  • ახალი კონტაქტები, რომლებმაც შეიძლება სხვა პროექტებში დაგპატიჟონ და/ან მეგობრებად დარჩეთ. ნებისმიერ შემთხვევაში თვალსაწიერის გაფართოების შესანიშნავი შესაძლებლობაა.
  • კომუნიკაცია + ენის პრაქტიკა: რამდენიც არ უნდა ისწავლოთ, იქექოთ ლექსიკონებში, იზეპიროთ ახალი სიტყვები თუ იკითხოთ გრძელი ტექსტები – გამოყენების გარეშე ეს ყველაფერი წყალში გადაყრილი შრომაა. საერთაშორისო გაცვლით პროგრამებზე დასწრებით ურთიერთობთ უცხოენოვან აუდიტორიასთან, აცოცხლებთ წიგნებიდან მიღებულ ცოდნას.
  • გაცვლითი პროგრამების ერთ-ერთი ყველაზე საინტერესო და სასიამოვნო შესაძლებლობა (უფასო) მოგზაურობაა. მიდიხარ უცხო ქვეყანაში, ეცნობი მის კულტურასა და ისტორიას, ღირსშესანიშნაობებს. უამრავ მასალას იღებ შემდგომი ფიქრისა და დამუშავებისათვის. ამ ყველაფერს თუ საცხოვრებლისა და მგზავრობის ანაზღაურებაც ემატება, რა სჯობია!
  • გართობა და უამრავი ემოცია – რაც მთლიანად დამოკიდებულია თქვენს მონდომებასა და მოხერხებაზე! დაწყებული ბილეთის ძებნის მომენტიდან დამთავრებული ახალ ქალაქში ჩასვლით, ქუჩებში დაკარგვით და ა.შ. – ყველა სასიამოვნო თუ უსიამოვნო მომენტი, დანაკარგი თუ შენაძენი შეიძლება გახდეს ახალი თავგადასავლების წყარო. მომავალში კი მეგობრებს ან შვილიშვილებს აუცილებლად მოუყვებით რომ “ეს იყო პეტერბურგში”, ან “პარიზში”, ან “ბერლინში” – სადაც მოინდომებთ წასვლას.

საყურადღებო! – აპლიკაციების შევსება, გზავნა, ყოველი ახალი სამოვიაციოს დაწერა დამატებითი დროის ხარჯვას მოითხოვს და შეიძლება მოსაწყენადაც ჩანდეს. მაგრამ იმასთან შედარებით, რაც წინ გელით – ეს პატარა “დისკომფორტი” სავსებით ასატანია. რამდენიმესაათიანი შრომის შედეგი გაცვლით პროგრამაში მონაწილეობა იქნება. რა შეიძლება იყოს ამაზე უკეთესი ადამიანისათვის, რომელიც კარიერასა და პირად ცხოვრებაში გამოწვევებს ეძებს?!

თვალი ადევნეთ ჩემს ფეისბუქის გვერდს, იანვრიდან შემოგთავაზებთ სიახლეებს და ახალ შესაძლებლობებს.

ტალინის ტექნოლოგიური უნივერსიტეტის ინფო-სესია


Tallinn University of Technology, ინფო-სესია მარიოტში, თბილისი

Tallinn University of Technology, ინფო-სესია მარიოტში, თბილისი

19 აპრილს თბილისი-მარიოტში ჩატარდა ტალინის ტექნოლოგიური უნივერსიტეტის ინფო-სესია და ინგლისური ენის ტესტი. ტესტის ჩაბარების შემთხვევაში აღარ იყო საჭირო  TOEFL/IELTS-ის გაგზავნა უნივერსიტეტში. ინფო-სესიაზე მიმდინარეობდა წინასწარი რეგისტრაცია. თუმცა გაცილებით მეტი სწავლასმოწყურებული ახალგაზრდა მივიდა. ბევრს გავლილი არც კი ჰქონდა ონლაინ რეგისტრაცია. ამიტომ საჭირო გახდა ტესტის 3 ნაკადად ჩატარება.

ტესტი

30-წუთიანი ტესტი 40 საკითხისგან შედგებოდა. გამსვლელი იყო 31 ქულა. იქვე ასწორებდნენ. 29 ან 30 ქულის მიღების შემთხვევაში უნივერსიტეტის ინგლისურის პროფესორი ატარებდა გასაუბრებას. თავად ტესტი საკმაოდ მარტივი იყო (ყოველ შემთხვევაში ჩემთვის), ინგლისურის საშუალოდ ცოდნა საკმარისი იყო მის წარმატებით შესავსებად.

ინფო-სესია

ტესტის შემდეგ უნივერსიტეტის წარმომადგენელმა ჩაატარა საინფორმაციო სესია ესტონეთისა და ტალინის ტექნოლოგიური უნივერსიტეტის შესახებ. ესტონეთის მოსახლეობა სულ რაღაც 1.3 მილიონი ყოფილა, უნივერსიტეტში 80 ქართველი სტუდენტი სწავლობს (შეიძლება რომელიმე მათგანი თქვენი ნაცნობიც იყოს), ესტონეთი საქართველოსთან შედარებით ცივი ქვეყანაა, მაგრამ შესანიშნავი გათბობის სისტემა აქვს (გიხაროდენ 🙂 ); ესტონეთში ჩასვლისას შენგენის ვიზას იღებთ და შეგიძლიათ ევროპაში თავისუფლად იმოგზაუროთ… მოკლედ, კიდევ ბევრი საინტერესო ამბავი.  Continue reading

სად ვეძებოთ გაცვლითი პროგრამები


ინტერნეტში ძიებისას წავაწყდი განათლების სამინისტროს მიერ მომზადებულ პრეზენტაციას, რომელიც აღწერს გაცვლითი პროგრამების ადმინისტრირების პროცედურებს, რა ეტაპების გავლის შემდეგ ხდება დაფინანსების შესახებ გადაწყვეტილების მიღება.

exchange program