IELTS სტრუქტურა


IELTS შედგება 4 კომპონენტისგან: მოსმენა, კითხვა, წერა და საუბარი.

გამოცდა იწყება მოსმენის სექციით: გასმენინებენ სხვადასხვა ტიპის რამდენიმე ჩანაწერს, რომელთა საერთო ხანგრძლივობა 30 წუთია.

  • ჩანაწერი 1 – ორი ადამიანის საუბარი ყოველდღიური თემის შესახებ
  • ჩანაწერი 2 – მონოლოგი ყოველდღიური თემის შესახებ
  • ჩანაწერი 3 – საუბარი რამდენიმე ადამიანს შორის (მაქსიმუმ 4) საგანმანათლებლო ან ტრენინგის თემის შესახებ (მაგალითად, უნივერსიტეტის ლექტორი და სწტუდენტი განიხილავენ დავალებას)
  • ჩანაწერი 4 – მონოლოგი აკადემიური საგნის შესახებ (მაგალითად, უნივერსიტეტის ლექცია).

Continue reading

Advertisements

საახალწლო


გასული წელი საინტერესო იყო თავისი ყველა დანაკარგით და შენაძენით. ან ჯერ შენაძენით, შემდეგ – დანაკარგით. რიგითობას მნიშვნელობა არ აქვს, არც ემოციებს, არც დაშვებულ შეცდომებს ან მოულოდნელ აღმოჩენებს…… არც რაღაცეების გადაფასებებს…… მთავარია რომ ყველაფერი (კარგიც და ცუდიც) გასულ წელში ჩარჩა და 2015 ახალ შესაძლებლობებს იძლევა. წლის დასასრული და ახლის დასაწყისი მხოლოდ მიზეზია იმისათვის, რომ საკუთარ ცხოვრებას გადახედო და მომავალი წლისთვის სამოქმედო გეგმა დაისახო. დიახ, გეგმა, და არა უბრალოდ სურვილები. საჭიროა ოცნებიდან დაიწყო და შემდეგ კონკრეტული ეტაპები ჩამოწერო – რა დრო და რესურსები გჭირდება მათ განსახორციელებლად. მომდევნო ნაბიჯი კი ქმედებაა: გეგმის მიხედვით! მხოლოდ ასე სრულდება სურვილები და ხდები რეალიზებული. მხოლოდ ასე ხვდები რა ადვილია მიზნების მიღწევა. მოძრაობა და მხოლოდ მოძრაობა! წარსულის გახსენება კი იმისთვისაა აუცილებელი, რომ სამოტივაციო იმპულსები მიიღო!!!

წარმატებულ 2015-ს გისურვებთ! მინდა, რომ თქვენი 2015-ის სურვილები მხოლოდ თოვლის პაპისადმი მიწერილ წერილებში არ დარჩეს. მინდა, რომ წინასაახალწლო “ბუღალტერიამ” ამაოდ არ ჩაიაროს, ყველაფერი აგიხდეთ და ამაში წვლილი პირველ რიგში თქვენ თვითონვე შეიტანოთ. მინდა ყველას გჯეროდეთ საკუთარი შესაძლებლობების…

ასევე მინდა განსაკუთრებული საჩუქარი მივუძღვნა საქართველოს აეროპორტების გაერთიანებას, რომელმაც 2014 წლის შემოდგმით 4 ბლოგერი საინფორმაციო ტურზე დაგვპატიჟა. მაშინ გვითხრეს, რომ კონკურსის გამარჯვებულისთვის ბუდაპეშტის ტური იყო გათვალისწინებული. მაგრამ შედეგები ხან “იმ კვირისთვის” გადაიდო,” ხან “ძალიან მალე”, ხან “2-3 დღეში” და ასე უსასრულოდ. მერე მათი ფბ-ის ფეიჯიდან ჩვენი დაშეარებული პოსტებიც გაქრა და საბოლოოდ დაგვიკიდეს. “არსაიდან ხმა, არსით ძახილი”… 🙂 თქვე კაი ხალხო, თუ კონკურსის ორგანიზების თავი არ გქონდათ ვინ გეხვეწებოდათ! თუ დაიწყეთ ბოლომდე მაინც მიგეყვანათ. თუ რაღაც არ გამოვიდა, ადამიანურად გეთქვათ. პრიზის მიღებაზე მნიშვნელოვანი კომუნიკაცია და დამოკიდებულებებია. 2 წლის ბავშვები ხომ არ ხართ დამალობანა რომ გვეთამაშეთ! :)) ჭიტაააა! დაგასტუკეთ! და გადავწყვიტე საახალწლოდ (სიმბოლურად) პამპერსი გაჩუქოთ – იმის შესახსენებლად რომ ძალიან, ძალიან ჩაისვარეთ! 🙂 ჩემი საკონტაქტო მონაცემები კი გაქვთ და დამირეკეთ/მომწერეთ მისაღებად.

კიდევ ერთხელ, ყველას გილოცავთ ახალ წელს. წარმატებული შე-მოქმედებისა და მო-ქმედების წელი ყოფილიყოს! 🙂

სამოტივაციო წერილის შესახებ


თუ გჭირდებათ დახმარება სამოტივაციო წერილის შედგენაში, უნივერსიტეტის, პროგრამის, დაფინანსების მოძიებაში, სააპლიკაციო პროცესში – დამიკავშირდით: 557-516-388; ასევე მომწერეთ ბლოგის საკონტაქტო ფორმის ან ფეისბუქის საშუალებით. მომსახურება იქნება ფასიანი. შესაძლებელია ინდივიდუალური და ჯგუფური კონსულტაციები/ტრენინგები.

——————————–

ხანდახან ძველი სამოტივაციო წერილები უნდა გადაიკითხოთ ხოლმე – 1,2 3, თუნდაც 5 წლის წინ დაწერილები. საინტერესო პროცესია – ხედავ, როგორი იყავი უწინ და როგორი ხარ ახლა. ნახავ, როგორ შეიცვალა შენი ხედვა და ღირებულებები, გაიზარდე თუ არა პროფესიულად, მოგემატა თუ არა ამბიციები ან მიაღწიე თუ არა დასახულ მიზნებს. ზოგჯერ სურვილები ყოველდღიურ რუტინასა და წვრილმანებში იკარგებიან, გავიწყდებიან, ქრებიან. სამოტივაციოს წაკითხვით კი ძველ ორიენტირებს უბრუნდები, რომლებიც შეიძლება მოცემულ მომენტში ისევ მნიშვნელოვანი იყოს.

გადაიკითხეთ ძველი სამოტივაციო წერილები. ცვლილებების შეგრძნება სასიამოვნო და სასარგებლოა.

სტიპენდიები არაფორმალური სამაგისტრო პროგრამისთვის


სტიპენდიები არაფორმალურ სამაგისტრო პროგრამაზე სწავლის მსურველთათვის:

2012-2013 სასწავლო წელს სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტი (dvv international) 10 სტუდენტის სწავლას აფინანსებს თანამედროვე ხელოვნების ცენტრში. თანამედროვე ხელოვნების ცენტრი – თბილისი (CCA-Tbilisi) აცხადებს სტუდენტების მიღებას არაფორმალურ სამაგისტრო პროგრამებზე შემდეგი 5 მიმართულებით:

1. მედიაცია (კონტექსტის პროდუქცია)
2. აუდიო ხელოვნება (Sound Art)
3. ფოტოგრაფია
4. 2D ხელოვნება (იდეაზე დაფუძნებული ფერწერა)
5. მოძრავი გამოსახულება (Video Art)

პროგრამა ასევე მოიცავს საერთო თეორიულ საგნებს შემდეგი მიმართულებებით: შემოქმედებითი პროექტის მენეჯმენტი, იკონოგრაფია, კონცეპტუალური ფერწერა და დასავლეთისა და აღმოსავლეთის შედარებითი შემეცნება.

პროგრამის დამატებას წარმოადგენს თანამედროვე ხელოვნების ცენტრის “საველე აკადემია”, შინდისში (7 კმ. თბილისიდან), მხატვარ მამუკა ჯაფარიძისა და ანთეა ნიკოლსონის რეზიდენციაში, სადაც სტუდენტები ყოველ შაბათს დაესწრებიან ბიო-მეურნეობისა და თანამედროვე ხელოვნების კურსს (Bio farming in the relation to art praxis).

“CCA-Tbilisi”-ის მიერ შემოთავაზებული ალტერნატიული საგანმანათლებლო პროგრამა უნიკალურია მისი სწავლების ფორმით საქართველოში. იგი სტუდენტს საშუალებას აძლევს დაეუფლოს თეორიასა და პრაქტიკას ადგილობრივ და საერთაშორისო არტისტებთან მუდმივი ინტერაქციისა და ინფორმაციის დინამიური გაცვლის საშუალებით. “CCA-Tbilisi”-ის მიერ შემუშავებული სწავლის მეთოდოლოგია საკმაოდ განსხვავდება ბოლონიის სისტემის მიერ შემოთავაზებული, ფართოდ გავრცელებული კონტექსტისგან. პროგრამა სტუდენტს საშუალებას აძლევს სწავლის პროცესში განსაზღვროს მისი შემოქმედებითი მიმართულება და გახდეს თანამედროვე ხელოვნების პროცესების აქტიური მონაწილე.

მიმდინარე წელს dvv international-ის რეგიონალური ოფისი თანამედროვე ხელოვნების ცენტრთან თანამშრომლობით 10 სტუდენტის არაფორმალურ სამაგისტრო პროგრამებზე სწავლას სრულად დააფინანსებს. სტუდენტებისა შერჩევისა და სტიპენდიების გაცემის ძირითად მიზანს წარმოადგენს მოტივირებული ახალგაზრდების დაფინანსება, ვინც განეკუთვნებიან სოციალურად დაუცველ კატეგორიას, გააჩნიათ შესაბამისი მოტივაცია და ხედვა შემოთავაზებულ პროგრამებზე სწავლის გასაგრძელებლად და არ შეუძლიათ სწავლის დაფინანსება.

აპლიკაციის პროცესის წარმატებით გავლისას 10 სტუდენტი მიიღებს პირველი 3 თვის სწავლის სრულ დაფინანასებას. მომდევნო 6 თვის სწავლის დაფინანსება დამოკიდებულია სტუდენტის სასწავლო პროცესში მონაწილეობასა და წარმატებაზე. სტიპენდია მოიცავს ყოველთვიური შესატანის, 200 ლარის დაფარვას და შესაძლო მგზავრობის ხარჯების დაფარვას რეგიონებში მცხოვრები სტუდენტებისთვის.

სწავლების ენა: ქართული. სასურველია რომელიმე უცხო ენის ცოდნა.

დაინტერესებულმა პირებმა უნდა წარმოადგინონ შემდეგი საბუთები:

** CV
** პორტფოლიო
** მოტივაციის წერილი
** არგუმენტაცია დაფინანსების მოთხოვნაზე.

საბუთების მიღების ბოლო ვადაა 2012 წლის 22 სექტემბერი.

საბუთების გაგზავნა შესაძლებელია შემდეგ ელექტრონულ მისამართზე: kat@ccc.ge

კატარინა შტადლერი, საგანმანათლებლო პროგრამების კურატორი
dvv international რეგიონალური ოფისის კავკასიასა და თურქეთში
საკონტაქტო პირი: ლიკა კაციტაძე – katsitadze@dvv-international.ge

შერჩეულ აპლიკანებთან გასაუბრება შედგება მიმდინარე წლის 24 და 25 სექტემბერს, თანამედროვე ხელოვნების ცენტრში.

დამატებითი ინფორმაციის მოძიება ცენტრში არსებული საგანმანთლებლო პროგრამების შესახებ, შესაძლებელია შემდეგ მისამართზე: http://www.cca.ge/node/59

თანამედროვე ხელოვნების ცენტრი თბილისი / CCA – Tbilisi
დოდო აბაშიძის ქუჩა 10, თბილისი
+995 577 468 446
+995 32 2942080
info@cca.ge
http://www.cca.ge

როგორ მოვიპოვოთ “პრეზიდენტის სტიპენდია”


თუ გსურთ უახლესი ინფორმაციის მიღება სხვადასხვა სტიპენდიის, გაცვლითი პროგრამებისა და დაფინანსების წყაროების შესახებ, ასევე პრაქტიკული რჩევები სამოტივაციო წერილის დასაწერად, დაესწარით ტრენინგს.
————————————
სასწავლო-სამაგისტრო პროგრამა საქართველოს პრეზიდენტის ინიციატივით შეიქმნა 2005 წელს, ახლა კი საზღვარგარეთის ძვირადღირებულ უნივერსიტეტში სწავლას საქართველოს მოაქალაქეებს საქართველოს განათლებისა და მეცნიერების სამინისტრო უფინანსებს. ესაა ე.წ. პრეზიდენტის სტიპენდია. წკაპ

როგორ შევიქმნათ მოტივაცია


თუ გსურთ უახლესი ინფორმაციის მიღება სხვადასხვა სტიპენდიის, გაცვლითი პროგრამებისა და დაფინანსების წყაროების შესახებ, ასევე პრაქტიკული რჩევები სამოტივაციო წერილის დასაწერად, დაესწარით ტრენინგს.

—————————————-

რადიო თავისუფლების ბლოგზე კამათობენ, რამდენად შესაძლებელია ჰქონდეს ცხოვრების მოტივაცია ადამიანს, რომელმაც ბევრი რამე დაკარგა. საქმე ეხება დევნილებს, რომლებიც სახლ-კარის გარეშე დარჩნენ. ახლა ისინი საქართველოს მთავრობის მიერ აშენებულ სოფლებში ცხოვრობენ. სახლში ამოსულ ბალახს გლეჯავენ; თანაც უნდათ მთელ ქვეყანას გააგებინონ, თუ როგორ უყვართ პრეზიდენტი სააკაშვილი. მათი სხვა ნაწილი კი მთავრობის სახლის წინ პირამოკერილი შიმშილობს. წკაპ

ფურცლის კიდეებზე მიჯღაბნილი ფრაზები


ფურცლის კიდეები მსოფლიოში ერთ-ერთი უნიკალური გამოგონებაა. ისინი ინახავენ წამებში დაჭერილ აზრებს, ფრაზებს, ჩანახატებს. წკაპ